Yela 66:15 - mzwDBL

¹⁵ Mɛɛ kpoo peeraa bá fuh ɛ saraha he saraha kon la ta, dɛ́ lawɛ pebala ne nabala dɛ boohna ba tɛɛ, ásɛ a ninchuu la tɛr dɛɛ kaa nyundua.

Yela 66:15 ပူးပေါင်းရင်းမြစ်များ

2 Samoɛl 6:13

Baala baa cheɡɛ Daka la aa ta naɡale anumɛl la, Kooro ɡelɔ ba che asɛ o kpo nabal dɛ nao bie waa do noo kohona, dɛ ɛ saraha tɛ Korowii.

Ɛsra 8:35

Nɛra baa laɡ ba kaa bojaŋ harɛ ta aa le bela ba la, ba kpɔ saraha kwaa ba ba fuh tɛ Korowii Israel tena aa dɛ tomɔ. Ba kpɔ nabala fi dɛ anɛ tɛ Israel harɛ tena bwa, pebala fifraanuanaarɛ dɛ anumɛl ne pebali fifraanuanɛ dɛ anuanɛ, asɛ dɛ kpɔ bombala fi dɛ anɛ ɡe ɛ wechɔɡa kpɔe dɛ kɛ saraha soŋe ba wechɔɡa. Ba fuh ɡɛ kwaa nɔ bwa ɛ saraha tɛ Korowii.

Yela 51:19

Ásɛ mɔɔ he sie lɛ saraha aa wera dɛ toɡre, ne saraha kwaa baa fuah la ta, mɔɔ yá kpoo nabala tɛɛ he saraha kon la ta.

Jeremia 41:5

dɛ baala fifraanuatoro fonɛ ba tampona dɛ kɛɛ ba laala, dɛ kpɔ keri mɔne ba bwara, a baɡle kɛŋɔ ba lɔ lwe ta, dɛ le bwɛɛre Sɛkem ne Silo dɛ Samaria ba. Dɛ ba kpoŋe mea ne daawiile a sɔɔh aa soma, dɛ́ kpɔ ba ɛ sarahare Korowii Dea.

Nɛra Kura 6:14

ásɛ o kpɔ saraha kwaa ba tɛ mɛ. Anee pebal waa di benanyoa waa wola kirihiah bɛlbwa dii ba ɛ saraha baa dɛ fuah, ne pelor waa di benanyoa waa wola kirihiah bɛlbwa dii ba ɛ wechɔɡa kpɔe dɛ kɛ saraha, dɛ pebal waa wola kirihiah bɛlbwa dii ba ɛ deŋnesɔɔhna saraha.

Nɛra Kura 7:45

ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,