Yela 66:13 - mzwDBL

¹³ Mɛɛ kpɔ saraha kwaa baa fuah ba tɛɛ he Dea, dɛ́ chuɡri n nyobaɡa maa baɡɛ la.

Yela 66:13 ပူးပေါင်းရင်းမြစ်များ

Job Tɔn 22:27

Hɛɛ wiu noo ásɛ o no he be, hɛɛ baɡɔɔ nyoa dɛ́ won teŋɛ a ta.

Yela 100:4

Hé kpɔ silɛɛ ɡo yela jaamo, dɛ́ jo o Dea bini kpɛɛro. Hé jaamo dɛ́ kpɛɛ o sɔn la.

Yela 116:14

He nɛra warɔ dɛ cheme aa, belaa mɛɛ ba n nyobaɡa maa baɡɛ la chuɡra.

Yela 118:19

Hé pili Korowii Dea doonyoo tɛ mɛ, bela nɛra ba wa aa toɡra aa cheɡa dɛɛ jo la, ásɛ n jo kpɔ jam ka tɛ Korowii.

Yela 118:27

Korowii beŋkpoŋ ɡboo lole, on sune ya nɛɛ dɛ lɛ yaa. Hé pa he tɔpejen dii la mun, dɛ́ kpoŋe bambie daa, dɛ́ ka valɛ bar kwaa aa do kɛ nyeɡlare, dɛ do Korowii saraha on la bɔr la.

Yela 22:25

Mɛɛ kpɛɛre nɛnlaa tenten baahnee, nɛra baa dɛ tomɛ siee mɛɛ ba kwaa kpoora ɛ saraha tɛɛ, ɡɛ maa baɡɛ nyoa la.

Yela 56:12

N Naa Korowii, henee n baɡɛ nyoa, mɛɛ kpɔ n jam kwaa ba tɛɛ.

Yela 65:2

dɛkalkɛ henee dɛɛ no ya wesoŋa. Nɛra ɛɛ le bobɛlbwaa ba he be dɛ́ ba tomɛ,

Wejereme 5:4

Saŋ bɛlbwa he dɛ baɡɛ Korowii nyoa aa, bɛ ɡel a biɡri he ɛ ɡɛ haa ŋɔa hɛɛ ɛo la, dɛkalkɛ Korowii sie aa nɛn waa ɡɛna waa wola o nyobaɡa ta teŋɛ nɛɛ lɛ.

Jona 2:9

Kɛ n te, mɛɛ jaame yel nee, anee dɛɛ ba saraha ɛɛ. Nyoo maa baɡa bwa, mɛɛ chuɡraa. Korowiirii dɛɛ lɛ nɛwɛnyini.”

Neehum 1:15

Hé ha sie nyiŋi bwejena dor! Nɛn waa kpoŋe amanesoma dɛ valɛ bela, dɛɛ bol deŋnesɔɔhna wa. Juda tena, hé di he tɔpejena la, dɛ́ kpɔ kwaa haa baɡɛ Korowii nyoa la ba tɛo. Nyubinikpeɡ tena aa heyaa ba yo he harɛ ta kpa. Mɛɛ chɔɡ ba bwaa kwaraa.

Mmarare 23:22

Dɛ he ta nyoa baɡaa, a ta wechɔɡa ɛɛ.

Mmarare 23:23

Anɔ la aa le he nyoa la, nyiŋi kɛrɛdɛ dɛ́ ɛa, dɛkalkɛŋɔ henee ta tea dɛ baɡɛ Korowii haa dɛ tomɔ nɔ nyoa.

Mmarare 23:24

Dɛ he jo he dɔŋ bɛl daa koo ta naa, di daa la nɔna bɛlbwa ɡɛ haa dɛ nyin, kɛ bɛ ane kpɔ do he pur bini.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Sitɔɔla 11:35

Waa na o bihaah la, o tea bini chɔɡɔ, o laa laala waa doa la kɛɛ dɛ do lɔŋɔ ŋɔ, “Aa, n bie! He ɡelɔ n loo ku! N baɡɛ Korowii nyoa maa wola won berɛ nyoa kpa.”