Yela 65:8 - mzwDBL

⁸ Bambiteŋa kohona chole harɛre nɛra nɛ, he wejena haa ɛa la wa. He we-ɛɛla ba silɛɛ ne ba tɛ nɛra baa lɔ harɛ nɔ bwa ta, baa moo.

Yela 65:8 ပူးပေါင်းရင်းမြစ်များ

Mumpar 8:22

Korowii berɔ ŋɔ, “Harɛ ta aa lole nɔ, ɡɛɛ kwaa dui ne a koma ne bɔwɔb ne waa saŋ ɛɛ ba le doe, ɡɛɛ bwaala ne lɔmɔɡa saŋ, ne webaŋa ne jwaana bwa ɛɛ ba le doe.”

Job Tɔn 38:12

Job, le saŋ baa lolɛ, he wono ɡel jwaana berɛ webaŋa aa?

Yela 107:29

O ɡelɔ peukpeɡ la nyoa sɔɔh, asɛ nehɛma la ɡel lɔe.

Yela 126:2

Ya sie lɛo kohona, ya mamɛ dɛɛ ɡo yela, asɛ harɛre nɛra bwa bol ya waa ŋɔ, “Korowii ɛ wejena tɛɛ ba.”

Yela 135:9

O ɛ nyokpowaa Ijipt tena bini, dɛ tɛr Ijipt kooro ne o nomonome bwa deŋne.

Yela 136:8

O ɡelɔ wee ɛɛ chaah webaŋa. O nyina lole saŋ bɛlbwa dɛɛ la.

Yela 148:3

Wee ne korobie bwa, hé kpɛɛro, weweela aa dɛ chaah bwa, hé kpɛɛro.

Yela 19:5

o le bela dɛɛ ba kɛŋɔ, hanfale jaa sie aa lɛa, kɛɛ nɛn o sie aa beɡra wɛɛ ba chwae dɛ́ lɛ komɛl la ken.

Yela 2:8

Soŋ mɛ, mɛɛ kpɔ harɛre bwaa tɛɛ.

Yela 65:13

Peera lɔ kpɔɡ bini bobɛlbwa, dɛɛ di, fɛlembɔjena bwa su mea, aa ɡo yela dɛɛ moo silɛɛ ne kɛ nɛra ken.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Yela 74:16

Henee ta bɔchaah ne biro, dɛ kpɔ wee ne korobie cheɡ a chebɔra,

Yela 89:10

He kpo oljen waa lɔ mpo ta, he kpeɡri nee he pɔ he dɔma nɛ.

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Wepila 11:13

Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.