Yela 65:3 - mzwDBL

³ ba wechɔɡa aa ɡwaa ba nɛɛ la wa, ásɛ he kpɔ ba wechɔɡa kɛ ba.

Yela 65:3 ပူးပေါင်းရင်းမြစ်များ

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

2 Koranar 19:20

Ate, Emɔɔs bibaa Korowii keame Aesaya kpɔ kala tɛ Kooro Hɛsɛkea ŋɔ, “Waa Korowii Israel tena aa dɛ tomɔ aa dɛ bol laanee kɛŋɔ, o no Asiiria koojen Senakerib wesoŋa haa soŋo la,

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

Yela 38:4

N wechɔɡa ɡwaa n nɛɛ kohona, a do kɛ bontɔɡa maa wola won che.

Yela 40:12

N dɔma baa wola nyoa dɔe bar mɛ cheme, n wechɔɡa ɡwaa n nɛ, maa jemɛ bela maa kpɔ. A warɔ ɡwaa n nyumpona kwara, a ɡel n hwɛɡa bwa ta.

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Yela 79:9

N Naa Korowii, ba cha yaa dɛ́ lɛ yaa. Ba lɛ yaa dɛ́ kpɔ ya wechɔɡa kɛ yaa, he sɔn la wa.

Aesaya 6:7

dɛ ba kpɔ tɔrɛ n nyoa dɛ ŋɔ, “Na, nihɔl nɔ aa tɔre he nyotɔn nɔ, he bolchɔɡ bwa le he nɛ. Korowii kpɔ he wechɔɡa kɛɛ.”

Aesaya 66:23

Korobifale Tɔpejena dii ne Ona Tɔpere bɛlbwa ta la, nɛwɛnyina bwa ɛɛ ba tom mɛɛ Jerusalam bonɔ.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Sekaria 13:1

Nemenɛ Korowii ŋɔ, “Tɔpere bɛl ɛɛ bao, ásɛ nee bule dɛɛ le harɛ bini tɛ Kooro Devid ne o naanar, ne bwɛjen Jerusalam tena. Belaa baa ba laŋa, dɛ́ ka sɔ ba wechɔɡa baa ɛa, ne doŋa baa kaah bwa ta.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

Galaasia 5:17

dɛkalkɛŋɔ waa he nɛwɛnyini mar wechɔɡa aa suu la aa dɛ nyin la, Korowii Domadɛɛɡe la aa an nyin. Nɛwɛnyini mar wenyina ne Korowii Domadɛɛɡe wenyina aa jo. Anomanta, waa haa dɛ nyin ɛɛ la, haa wona ba dɛ ɛ.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.