Yela 64:6 - mzwDBL

⁶ Ba dɛ vɔrɔwe wechɔɡa dɛ́ ŋɔ, “Waa yaa vɔrɔwa nɔ maɡrɔ kɛrɛdɛ!” Kasinteŋ, nɛwɛnyini tea bini aa jemɛ.

Yela 64:6 ပူးပေါင်းရင်းမြစ်များ

Matiu 26:59

Sɔfonomonome ne Juu tena nomonome baa dɛ bol waa dɛɛ pa bole la bwa nyoa pɛo baa nyin waa dɛ́ kpɔ dawɛ Yeesu nɛɛ dɛ́ won che a ta kpoo.

Yela 5:9

Wobol aa le ba nyoo dɛɛ ba bwa ɛ nyosone, ba pɛla waa bwaa nɛra chɔɡa. Nɛra neɡra dɛ́ kpoo ba ɡboo lɔ ba nyu bini, nɛra ɡboo baa neɡre.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

Aesaya 29:15

Nɛra baa swɛɛ siwi kpɔ ba waa dɛɛ sɔh Korowii la, ba bwɛɛlɛ! Ba dɛ ɛ ba waa biro ta dɛɛ lii ŋɔ, “Umee na mɛ nɔ? Umee dɛɛ ba jema ɔ?”

Sɛɡla 20:5

Waa aa lɔ nɛn liire bini do kɛŋɔ bule waa luŋa bini nee ken, naate waa dɔ wejema laanee won nee la dɔe.

Yela 35:11

Nɛnchɔɡa teŋe nyosone dɛɛ dawɛ n nɛ, waa maa wola a waa jemɛ laanee baa bɔɔ mɛ.

1 Samoɛl 25:10

Belaa Nabal chaŋ ba ŋɔ, “Umee a ɡɛ Devid nɔɔ, Jese bie ɛ? O ɛ bonɔɔna baa chwaa dɛɛ le ba nomonome be tɔpera anɛ nɔ bini bɛl kɛɛ?

1 Samoɛl 24:9

O ŋɔ Kooro Sɔɔl be ŋɔ, “Ɛrɛɛ he cheɡ deŋne dɛɛ no nɛra nyoa wobol kɛŋɔ n dɛ nyin hen waane ɛɛ nɔɔ?

Yela 49:11

Ba lalbɔɔne ɛɛ ber ba deenee bá chɔ a bini, a lole kɛŋɔ dɛ ba fa dɔ harɛre, baa do belaa saŋ bɛlbwaa dɛɛ la.

1 Samoɛl 22:9

Ate, Edom te Doeɡ o ne Kooro Sɔɔl laa nomonome la aa cheɡa la ŋɔ, “N na Jese bibaa la o ba Nɔb, Ahitub bibaa sɔfo Ahemɛlɛk be.

Amanesoma Jɔn Aa Chwera Tɔn 19:7

Belaa Juu tena la berɛ chaŋo ŋɔ, “Ya dɔ Mmara bɛl waa dɛ baɡle kɛ o chɛ kpoe, dɛkalkɛ o dɛ yerɛ o te Korowii Bie.”

Mumpar 39:15

Maa dɛ dooɡe lɔŋɔre ɡɛ la, o chwao le a ka o yal chɔ n jwɛh.”

Yela 10:11

Nyubinikpeɡ tena la yon lii ba nyu bini ŋɔ, “Korowii waane laa. O laa sie kpɔ, waa yaa na bwa!”