Yela 62:9 - mzwDBL

⁹ Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

Yela 62:9 ပူးပေါင်းရင်းမြစ်များ

Yela 39:5

He ɡelɔ me mkpa do bori, a ta komɛlbwa ɛɛ he siwi ta, nɛwɛnyini bɛlbwa mkpa do kɛŋɔ peu he be.

Aesaya 40:17

Harɛre nɛra ta komɛlbwa ɛɛ Korowii be. Ba do kɛ kwaane aa wola siwi su o be ken.

Aesaya 40:15

Harɛ nɔ ta nɛra do tamaa kɛŋɔ bokiti bini nee aa kora le kerabeŋkpoŋ ken Korowii be. Ba do kɛŋɔ tutuɡ aa dawɛ kon baa kpɔa dɛɛ kari kwaa tɔɡre ta ken. O dɛ kari ekwie harɛre a do fɛɡre o siwi ta kɛŋɔ tutuɡ ken.

Yela 118:9

A wer kohona kɛ nɛn kpɔ o te do Korowii lɔɡa, ɡwaa kɛŋɔ waa kpɔ o te dawɛ harɛ nɔ ta nomonjena nɛ.

Yela 39:11

He bol wa bandia ne, dɛ kpɔ dɛɛ tɛr ya deŋne, ya wechɔɡa wa, ɡɛ dudul yon di kon dɛ chɔɡo la, ɡɛɛ he chɔɡ ya kondɔɔh, nɛwɛnyini bɛlbwa do kɛŋɔ peu ken.

Tɔn Pɔɔl Aa Chwerɛ Rom Tena 3:4

Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ, “He wobol ɛɛ baɡloo kɛŋɔ he dɔ kasinteŋ, hɛɛ dɛɛ di bole he waa taa.”

Yela 116:11

N liire aa chɔɡa la, n ŋɔ, “Nomɛlbwa waa ta kasinteŋ dɔe!”

2 Samoɛl 15:31

Dɛ ba ŋɔ Kooro Devid be kɛŋɔ Ahetofɛl ja Absalɔm nɛra o ne baa dɛ vɔrɔwe waa la nɛ. Anomanta, Kooro soŋɔ ŋɔ, “N Naa Korowii, ɡel Ahetofɛl liire bwa berɛ wepuu.”

2 Samoɛl 15:6

Dɛ ɡɛɛ wɛɛ ɛ Israel tena bwa ba yon kpɔ ba waa ba kooro be ŋɔ ó nyiŋi a ta tɛɛ ba la, asɛ ba bwa berɛ dɛɛ nyin o wa.

1 Samoɛl 23:12

Devid berɔ bɔɔ ja ŋɔ, “Keila tena ɛɛ le n ne n laa tenaa tɛ yá do Kooro Sɔɔl lɔɡa kɛɛ?” Anee Korowii ŋɔ, “Baa le heyaa tɛo.”

1 Samoɛl 18:5

Kooro Sɔɔl tomɛ Devid ŋɔ ó ka ɛ wobɛlbwa naa, o dɛ ɛa kɛrɛdɛ. Anomanta, o ɛo o laa nomonjena la bini bɛl. Gɛ waa nɔ lɛ Kooro Sɔɔl nomonome ne o nɛra bwa sie.

Amanesoma Jɔn Aa Chwera Tɔn 19:15

Anee ba nyɛɡ kohona ŋɔ, “Gel ba kpoo! Gel ba kpaaro pɛl daɡaɡre ta!” Asɛ Paelet bɔɔ ba ŋɔ, “He kooro ɡbabirii he ŋɔ ń ɡel ba kpaaro pɛl daɡaɡre ta naa?” Anee Sɔfonomonome la chaŋo ŋɔ, “Ya ta kooro bɛlbwa dɔe ka ja Koojen Siisa nɛ!”

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

Daneɛl 5:27

Tekel munii kɛŋɔ, ba kpɔe chɔŋɛ kon baa kpɔa dɛɛ maɡɛ kwaa ta, dɛ na kɛ haa tɔɡɛ.

1 Samoɛl 18:7

Baa saa dɛɛ hɛɡre la, ba ɡo yela ŋɔ, “Kooro Sɔɔl kpo nɛra kaɡboŋa, Devid ɡe kpo nɛra kaɡboŋa fi.”

1 Samoɛl 1:15

Belaa o chaŋe ŋɔ, “Nomoa, n ta dɛɛrɛ, maa sen nyɔ, n bambilee chɔɡa mɛɛ soŋe Korowii saŋ bɛlbwa, dɛ kpɔ n waa dɛɛ bil o sie.

2 Koranar 19:14

Ate, Kooro Hɛsɛkea lɛ tɔn la dɛ kure, dɛ kpɔ la Korowii Dea, dɛ ka laa paɡri bil Korowii sie.

Yela 46:2

Dɛ harɛ jiɡro kwaraa, bwejena chuɡri ka le mpo vile ta,

Yela 71:7

Nɛra ɡalɡa hweli n we-ɛɛla, dɛ kpɔ dɛɛ ɛ wa, dɛkalkɛ henee cheɡɛ n habɔɔ.

Yela 142:3

Dɛ n bambile chɔɡɔ aa, onee dɛɛ baɡ mɛ ŋwɛnɛ. N dɔma sɔɔh kpɔ bel harɛ ŋwɛnɛ maa dɛ kpɔ o ta la ta.

Aesaya 26:4

Hé kpɔ he te dawɛ Korowii nɛɛ saŋ bɛlbwa. Onee Bwetal waa dɛ tɔ ya nɛɛ saŋ bɛlbwa.