Yela 61:4 - mzwDBL

⁴ Gel n so he Dea bela saŋ bɛlbwa dɛɛ la, laɡ mɛ sɔh he lɔɡa, kɛŋɔ jal yon lawɛ o bii do o kena lɔɡre la.

Yela 61:4 ပူးပေါင်းရင်းမြစ်များ

Yela 15:1

N Naa Korowii, nɛn besooree dɛ́ won jo he Dea ɔ? Bamewaa dɛ́ won so Saayɔn waa ɛ he deŋɡare waa do ɡoroŋ la ta, dɛ́ tomɛ nɔ?

Yela 17:8

Tɔ mɛ ɡbemɡbe kɛŋɔ, haa dɛ tɔ n siwinyiŋi ta la, kpɔ mɛ sɔh he kena lɔɡre kɛŋɔ, jal yon lawɛ o bii do lɔɡa la ken.

Yela 23:6

N jemɔ kɛ he waa wer hɛɛ nyin mɛ nomanta, hɛɛ ja n nɛɛ n soɡa bini tɔpere bɛlbwa, ásɛ n so hen Korowii Dea, saŋ bɛlbwa dɛɛ la.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 61:7

N Naa Korowii, ɡel ó so he sie di kora dɛɛ la, dɛ́ kpɔ he nyina aa wola jaɡa dɔe, ne he kasinteŋ haa dɔa tɔ o nɛ.

Yela 62:7

Korowii nɛɛ mɛɛ hwɛɡɛ, wɛɛ lɛɛ mɛ dɛɛ tɛ mɛ jirima, onee do kɛ Bwetal maa chwaa kaa marɔ.

Yela 63:7

dɛkalkɛŋɔ henee dɛɛ cha mɛ, he lɔɡaa n chwa baa sɔh, kɛŋɔ jal yon lawɛ o bii do lɔɡa la, mɛɛ ɡo silɛɛ yela.

Yela 90:1

N Naa Korowii, he demii ya chwa baa marɛ, he kpɔ nɔn dɛɛ tɔ ya nɛ, le saŋ la ba le fini.

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Yela 91:4

Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.

Yela 92:13

Ba do kɛŋɔ daa baa dua Korowii Dea, aa dɛɡ Korowii yaa dɛ tomɔ Dea bela ken.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”