Yela 60:2 - mzwDBL

² He ɡelɔ harɛ jiɡri, o bini pere. Berɛ kwaa tɔɔɡe bɔɔne la, dɛkalkɛ a dɛ paɡri.

Yela 60:2 ပူးပေါင်းရင်းမြစ်များ

2 Samoɛl 22:8

Harɛ jiɡro jiɡra tenten, asɛ kwaa aa lawɛ nyundua kpoŋe yiiɡi, dɛkalkɛ dɛ Korowii baah diu.

2 Samoɛl 8:1

A habɔɔ la, Kooro Devid berɔ ka yo Filisti tena dɛ pɔ ba nɛ, dɛ lɛ bwɛjen Gat ne o bwɛɛre aa baro bwa le Filisti tena ba fa aa dɛ di a kpeɡri la be.

1 Webena 18:12

Abisae nya Seruya kpoo Edom tena nɛra kaɡboŋa fi dɛ banuatoro, Yar Fɛlembɔjen bini.

1 Webena 18:3

Belaa Kooro Devid berɛ ka yo Soba Kooro Hadadesa, hale dɛ ka le Hamat, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

1 Webena 18:5

Siiria tena baa le Damaskɔs balɔ dɛ ba cha Soba Kooro Hadadesa, asɛ Kooro Devid kpoo ba bini nɛra kaɡboŋa fifraanɛ dɛ banɛ.

2 Webena 7:14

asɛ ba charɛ liire dɛ le wechɔɡa baa dɛ ɛ la ta, dɛ wi noo mɛ naa, mɛɛ no ba bee le nyundua, dɛ́ kpɔ ba wechɔɡa kɛ ba dɛ́ berɛ ɡel ba harɛ la do wer.

Job Tɔn 5:18

Onee dɛɛ do nɛn bol dɛ berɛ dɛɛ vɔrɔwo, dɛɛ do nɛn weela dɛɛ chaoh.

Job Tɔn 9:6

Korowii ɡelɔ harɛ ɛɛ jiɡri dɛ́ le o buɡ ta, ásɛ kwaa waa chɔŋɛ a ta, a do kɛ pilare la ɛɛ yiiɡi.

Yela 104:32

O nyiŋi harɛ aa, o dɛ jiɡri, o leɡe bwejena chuu ɛɛ le a ta.

Yela 114:7

Hárɛ, jiɡri Korowii sie, Korowii Jekɔb aa dɛ tomɔ sie.

Yela 18:7

Harɛ jiɡro dɛ yiiɡi, asɛ bwejena mune jiɡri. Korowii bandia waa a bwa ɛ ɡɛ.

Yela 89:40

He kuuɡi o bwɛjen danjwɛɛre bwa, o danjwɛkpeɡa bwa chɔ harɛ.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Jeremia 14:17

Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.

Jeremia 30:17

Kɛ mɛɛ berɔ ɡel he dɔ bokpeɡa ásɛ dɛ chah he ŋwɛra, a lole kɛŋɔ he dɔma dɛ bol kɛŋɔ, ‘Ba vɛh Saayɔn, nomɛlbwa aa o waa dawɛ kpa.’ Men Korowiirii bola.”

Jeremia 4:24

N berɔ nyiŋi bwejena dɛ a dɛ jiɡri, asɛ deŋɡarere bwa ɡe ɛɛ yiiɡi.

Jeremia 48:38

Moab saldor ne bɔra baa dɛ cheme bwa, wobɛlbwa toole ka ja wii ta, dɛkalkɛ n chɔɡ o bwa, kɛŋɔ loŋ baa wola nyin kpa la ken. Men Korowiirii bola.

Wiile 2:13

Akwe! Ee, Jerusalam maa dɛ nyini kohona, ɛrɛɛ ń bol he waɔ? Ɛrɛɛ mɛɛ ba wona larawe he bwara ɔ? Nomɛlbwa ta he wenaale nɔ dɔŋa nae bwa. He wenaale nɔ bini luŋri kɛŋɔ mpo vil ken, he ta hwɛɡa bɛlbwa dɔe.

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Emɔs 8:8

Harɛ la ɛɛ jiɡruu a waa, ásɛ nomɛlbwa waa soɡe harɛ la ta di suna. Harɛ la dɛ́ ba dɛɛ beɡre kɛŋɔ Nael Moo yon su, ásɛ dɛ berɛ hweeh ka chɔ o buɡ ta la ken.”

Habakuk 3:10

Bwejena nae dɛɛ chel, asɛ bwaala nɛ, nee su dɛ palɛ baa kaa dɛɛ do ɡbɔɡa, dɛɛ ta nehɛma kohona.

Matiu 27:51

Waa sewa la, ate dɛ yal waa teŋe Korowii Dea la baah ta la pere anɛ le nyundua ba ta harɛ. Harɛ jiɡro, asɛ bwetala bini peɡri,