Yela 59:16 - mzwDBL

¹⁶ Mɛɛ ɡo yelaa kpɛɛre he kpeɡri la wa, ásɛ chɔɔ bɛlbwa ɡe n ɡo yela kpɛɛre he nyina aa wola jaɡa dɔe la wa, dɛkalkɛ he do kɛŋɔ danjwɛkpeɡ, waa puu mɛ naa, ń chwa baa marɛ.

Yela 59:16 ပူးပေါင်းရင်းမြစ်များ

Yela 21:13

N Naa Korowii, ya dɛ kpɛɛre he kpeɡri kohona wa, yaa ɡo yelaa kpɛɛre a wa.

Ɛfesos 3:20

Hɛ́ɛ tɛ Korowii sɔn! Onee cheɡɛ o kpeɡri waa kpɔa dɛɛ ɛ toma ya bini la ta dɛ won ɛ waa aa ɡwaa ɡɛ ya fe aa liira dɛɛ soŋo la.

Tɔn Pɔɔl Aa Chwerɛ Rom Tena 15:9

ásɛ a che a ta nɛra baa wola Juu tena ɛɛ la ɡe kpɛɛ Korowii kɛŋɔ waa dɛ sune nɛra nɛɛ kohona. Ba chwerɛ Korowii Tɔn bobɛl ŋɔ, “Anomanta, mɛɛ yerɛ he sɔn nɛra baa wola Israel tena ɛɛ baahnee, dɛ́ ɡo yela kpɛɛre.”

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Yela 143:8

Dɛɛ lii mɛ he nyina aa wola jaɡa dɔe la chɔɔ bɛlbwa, dɛkalkɛ he nɛɛ n kpɔ n te dawɛ. Henee n wi dɛɛ no, baɡ mɛ ŋwɛnɛ maa kpɔ o ta.

Yela 138:7

N ba dɛ na wahala kohona naa, henee kpɔ nɔn dɛɛ tɔ n nɛ. He dɛ yo n dɔma ba baah aa di n nɛ, dɛ che he kpeɡri ta dɛɛ lɛɛ mɛ.

2 Kɔrent 1:10

O lɛ yaa le siswɛm a fe aa chɛ kɛ ya sewɛ a ta la ta. O ta dɛ lɛ yaa. Ya kpɔ ya sie dawɛ o nɛɛ kɛŋɔ wɛɛ teŋɔɔ dɛɛ lɛ yaa.

Yela 101:1

N Naa Korowii, mɛɛ ɡo yelaa kpɛɛ he nyina ne he kasinteŋ haa dɔa wa, mɛɛ ɡo yelaa kpɛɛre.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Yela 145:11

Baa bol jirima he kora aa dɔa waa, dɛ́ bol kan haa doa wa,

Yela 36:5

N Naa Korowii, he nyina aa wola jaɡa dɔe ɡwaa komɛlbwa, he kasinteŋ waa ɡe ta jaɡa dɔe.

Yela 31:7

N sie ɛɛ lɛo dɛ́ hɛɡre, nyina haa dɛ nyin mɛ la wa, dɛkalkɛ he na n wahala, dɛ jemɛ n weweele.

Yela 4:1

N Naa Korowii, he waa toɡrɔ, no n wesoŋa saŋ bɛlbwa. Lɛɛ mɛ le n wahala ta, na n sum, dɛ́ no n wesoŋa.

Job Tɔn 37:23

Korowii Waa ɛ Kpeɡri Bwa Dɔɔ kan, yaa won bɛno, o waa toɡrɔ dɛ do wer, waa nɛn fiiɡi.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Yela 89:1

N Naa Korowii, mɛɛ ɡo he nyina aa wola jaɡa dɔe bwa la yelee dɛɛ bol he waa aa dɔ kasinteŋ la saŋ bɛlbwa.

Yela 88:13

N Naa Korowii, n wio dɛɛ noe kɛ he cha mɛ, chɔɔ bɛlbwaa n kpɔ n wesoŋa dɛɛ bil he sie.

Yela 77:2

Gɛ saŋ wa aa puu mɛ la, n wio no Korowii, n ɡɔɔ nɔɔra jwaana bwa dɛ soŋo, kɛ n ta bolarawa bɛlbwa dɔe.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

1 Samoɛl 17:37

Korowii waa lɛɛ mɛ le nyujente ne sisire nɔn ta la, wɛɛ lɛɛ mɛ le Filisti te nɔ nɔn ta.” Ate, Kooro Sɔɔl ŋɔ Devid be ŋɔ, “Kaa, Korowii ja he nɛ.”

Yela 5:3

N Naa Korowii, chɔɔ bɛlbwa he dɛ no n taa. Chɔɔbɔr n kpɔ n wesoŋa dɛɛ bil he sie, dɛɛ kpa ɡɛ haa chaŋ mɛ.

Yela 106:8

Kɛ he lɛɛ ba ɡɛ haa baɡ ba nyoa la, dɛ baɡle ɡɛ haa dɔ kpeɡri kohona.

Yela 86:13

He nyina aa wola jaɡa dɔe la kan tɛ mɛ! He lɛɛ mɛ le seo nyoa.

2 Samoɛl 22:3

Korowii maa dɛ tomɛ do kɛŋɔ Bwetal maa chwaa kaa marɛ. Onee dɛɛ tɔ mɛ ɡbemɡbe dɛ ɛ n Kpeɡnɛn. Onee n chwa baa pɛl dɛɛ dɔ n nyu, dɛ ɛ n Lɛɛ le nɛra baa dɛ nyin yoi nɔn ta.

Kaala 15:6

N Naa Korowii, he nɔn diɡ dɔ jirima kpeɡri do o ta, he kpɔ chɔɡ ya dɔma.

Job Tɔn 15:23

ásɛ kɔkɔsakire di ba ola. Ba jemɔ kɛ ba seo tɔpere dɛ́ tel.