Yela 59:10 - mzwDBL

¹⁰ Korowii maa dɛ tomɛ, he dɛ nyin n wa, hɛɛ ba n bee dɛ́ ɡel n na n dɔma chola.

Yela 59:10 ပူးပေါင်းရင်းမြစ်များ

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

Yela 54:7

Henee lɛɛ mɛ n wahala bwa ta, dɛ ɡel n na n dɔma chola.

Yela 59:17

N Naa Korowii haa ɛ n Kpeɡnɛn, mɛɛ ɡo yelaa kpɛɛre, he do kɛŋɔ danjwɛkpeɡ n chwa baa marɛ, N Naa Korowii, henee dɛɛ nyin n wa.

Yela 21:3

He swee andɛɛɡa tɛo kohona, dɛ kpɔ suuɡaswɛm kooɡbɛrɛ tenten piu.

Yela 92:11

N na n dɔma chola, dɛ no nyubinikpeɡ tena wii baa dɛ wi.

Yela 54:5

Gel n dɔma vɔrɔwa baa vɔrɔwa ɡure ba nyu ta, che he kasinteŋ ta dɛ́ chɔɡ ba.

2 Kɔrent 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii. Onee ya Mɛɛ o tea aa dɛ domɛ ya nɛɛ kohona, dɛ ɛ Korowii waa wona dɛɛ larawe nɛn bwara.

Jeremia 17:16

N ta vɛɛh kɛŋɔ mɛɛ nyiŋi he nɛra nɛɛ kɛŋɔ peteɡre, maa nyin kɛ he kpɔ sibeɡra tɔpere bɛlbwa ba ba nɛ. Wobɛlbwa aa le n nyoa la chɔ he sie.

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Yela 112:8

O bambile cheɡɛ bobeŋkpoŋ, waa ɔmɛ. O jemɔ kɛ Korowii ɛɛ ɡeloo ó pɔ o dɔma nɛ.

Yela 91:8

Siwii hɛɛ ba kpɔe dɛ́ na wechɔɡ-ɛɛra deŋnetɛra.

Yela 79:8

Bɛ ya naawa wechɔɡa baa ɛa kpɔ tɛr ya deŋne. Na ya sum warane, ya hwɛɡa bwa tonɔ.

Yela 56:6

Ba pɛ nyoa ka sɔh, dɛɛ nyiŋi wobɛlbwa maa dɛ ɛ, ba siwi beɡre n kpoe wa.

Yela 56:2

Tɔpere bɛlbwaa ba teŋɛ dɛɛ ɡaaɡe n bɔr, ba warɔ kohona dɛɛ yoo mɛ.

Yela 5:8

N Naa Korowii, n dɔma warɔ kɛrɛdɛ! Tɔ n sie ń ɛ anɔ la aa too he tea, ɡel n na he wa dɛɛ teŋɛ a ta.

2 Samoɛl 1:17

Devid taa ɡɛ wiile aa teŋa nɔ tɛ Kooro Sɔɔl ne o bibaa Jonatan,

1 Tesalonika 4:15

Ya Dɔɔ la waa waa bolaa nɔ. Ya banɔ la yaa so le dɛ ka tel ɡɛ saŋ ya Dɔɔ la aa ba la, yaa yabala baa serewa la siee tɔ kaa ya Dɔɔ be,

1 Samoɛl 26:10

Dɛ berɛ ŋwɛɛ ŋɔ, “Korowii aa lole nɔ, dɛ o seo tɔpere ta tele o sewɛ, kɛɛ o sewɛ laa ta naa, Korowii ɡbabirii dɛ́ kpoo.

Yela 46:8

Hé ba dɛ́ ba na toma Korowii aa ɛa, nyokpowaa waa ɛa a do ɔma ya harɛ nɔ ta.