Yela 58:9 - mzwDBL

⁹ Mɔɔ ba jemɛ la, dɛ ba teŋ ba ta kɛŋɔ kpɔɡa ken, hen Korowii ɛɛ perewi baa ta he bandia kohona la ne, ɡɛ saŋ ba taa soɡe le la.

Yela 58:9 ပူးပေါင်းရင်းမြစ်များ

Sɛɡla 10:25

Wekpeɡa pu wechɔɡ-ɛɛ aa, o dɛ sewɛ, kɛ nɛn o wa aa toɡra te, o dɛ do le saŋ bɛlbwa.

Yela 118:12

Ba warɔ bar mɛ cheme, kɛŋɔ toohna ken, kɛ ba serewɔ wɔrɔbe nɛ, kɛŋɔ nii aa le sɔɔhne baah ken, asɛ Korowii che n habɔɔ, dɛ ɡel n pɔ ba nɛ.

Wejereme 7:6

Gɛne mama do kɛŋɔ, baa kpɔ sɔɔhne do nii ta aa parame. Anɔ ɡe ɛ wepuu.

Jeremia 23:19

Hé na, Korowii bandia do kɛŋɔ peukpeɡ waa dɛ ta, kɛŋɔ kawulewule dɛ ta dɛɛ kpɔ nyubinikpeɡ tena nyubaahna.

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Aesaya 40:24

Ba do kɛŋɔ kwaa baa dua, kɛɛ kwaa baa mera, a pa mun dɛɛ dɔ lune, asɛ Korowii ɡel peu ta a ta a hol, asɛ kawulewule kpɔa kaa kɛŋɔ haahra ken.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Sɛɡla 1:27

Awola siswɛm aa pu heyaa kɛŋɔ dompeu, dɛɛ ba he nɛɛ kohona kɛŋɔ peukpeɡ, ásɛ hɛɛ na weweele ne wahala la,

Yela 55:23

Kɛ hen Korowii, hɛɛ taɡɛ nɛra baa dɛ kpoo nɛra, ne nyosonteŋna laanee do ba lalbɔɔne bini, bá serewe mɔɔ ba saŋ tel. Kɛ n te, n kpɔ n te dawɛ hen Korowii nɛ.

Yela 10:5

Ba we-ɛɛla bwa dɛ do wer dɛɛ tɛɛ ba, baa ŋwɛnɛ Korowii aa cheɡɛ o ta, dɛɛ pa bole mun no, dɛɛ mamɛ ba dɔma.

Yela 10:2

Nyubinikpeɡ tena mbarafo, ba cheɡɛ nyaara nɛ, ɡel ba liichɔɡa ɡure ba nyu ta.

Job Tɔn 27:21

Peu waa le wee leebɔr ta dɛ́ ba kpɔ ba kaa, dɛ́ le ba ne ba deremi ta kaa.

Job Tɔn 18:18

Korowii ɛɛ ɡeloo ba dɔma doŋ baa le harɛ nɔ ta, dɛ́ le bochaah ta kaa biro ta.

Nɛra Kura 16:30

Kɛ dɛ Korowii cheɡɛ waane aa wola chiɡe ka bwa ta, dɛ ɡel harɛ pere asɛ ɡɛ nɛra nɔ ne ba komɛlbwa baa dɔa jo kaa harɛ bini ba serewe aa, anee hé jemɛ kɛŋɔ baala nɔ ɛ Korowii sisawa.”

Job Tɔn 3:16

Ɛrɛɛ maa wola doe kɛŋɔ bie baa haro ta dɛ huɡo, kɛɛ bechasɔɔhna waa sewa o ta wee nae bwa nɔ?