Yela 57:8 - mzwDBL

⁸ Mɛɛ iruu che, dɛ́ kpɔ janjela ne kwaa bwa soo siwi lɔ yela! Mɛɛ feluu ir mɔɔ bɔr chaah.

Yela 57:8 ပူးပေါင်းရင်းမြစ်များ

2 Webena 20:28

Baa tel Jerusalam la, ba lɔ janjelare dɛ hoh bɛle ka jo Korowii Dea.

Yela 150:3

Hé hoh bɛle kpɛɛro, dɛ́ lɔ janjela ne kwaa bwa soo siwi kpɛɛro.

Yela 16:9

Anomanta, n sie lɛo mɛɛ jam hen Korowii, maa wobɛlbwa ɔmɛ kpa,

Yela 27:6

Anee dɛ́ ɡel n baŋa pa, n dɔma baa bar mɛ cheme la nɛ. Mɛɛ kpoo kwaa ɛ sarahare tɛɛ he Dea bela silɛɛ lɔŋɔre ne, dɛ́ ɡo yela kpɛɛre.

Yela 30:12

Anomanta, maa nyoa tɔ, mɛɛ ɡo yelaa dɛ́ kpɛɛre. Korowii maa dɛ tomɛ, mɛɛ kpɛɛre saŋ bɛlbwa dɛɛ la.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

We-ɛɛla 2:26

Anomanta, n sie lɛo, n wobol ɡe bwa ɛ bansɔɔhna wobol. Maa n bwadabii waa jare, dɛkalkɛŋɔ n sie dawɛ Korowii nɛ.

Sitɔɔla 5:12

Dɛbora, ir dɛɛ ɡo yela! Ir che dɛ́ pa mun ɡo yela dɛɛ la! Barak, ir dɛ́ tɔ sie, Abinoam bibaa, ir lawɛ nɛra haa laɡ ba kaa harɛfale ta la kaa.