Yela 56:7 - mzwDBL

⁷ N Naa Korowii, tɛr ba deŋne ba wechɔɡa wa, yoo ba, dɛ́ pɔ ba nɛɛ he bandia ne.

Yela 56:7 ပူးပေါင်းရင်းမြစ်များ

Yela 55:23

Kɛ hen Korowii, hɛɛ taɡɛ nɛra baa dɛ kpoo nɛra, ne nyosonteŋna laanee do ba lalbɔɔne bini, bá serewe mɔɔ ba saŋ tel. Kɛ n te, n kpɔ n te dawɛ hen Korowii nɛ.

Habakuk 1:13

He do ɡoroŋ kohona, haa soɡee dɛɛ nyiŋi waa aa ɛ wechɔɡa. Haa wechɔɡa nyin. Ɛrɛɛ hɛɛ ba nyoa tɔe, dɛ́ nyiŋi nɛnchɔɡa bá chɔɡ nɛra ba wechɔɡa aa wola doe kɛ ban ɔ?

Jeremia 10:25

Gel harɛre nɛra na he bandia, banɔ la baa wola hen tomɛ, dɛ vɛɛh la. Ba kpoo he nɛra Israel tena dɛ chɔɡ ba harɛ kwaraa.

Jeremia 7:10

Waa maa kia laanee he yon ka ɛ, dɛ́ berɛ ba che n sie n Dea bonɔ dɛ́ ŋɔ, ‘Ya dɔ deŋnesɔɔhna.’

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Wejereme 8:8

Nomɛlbwa ta kpeɡri dɔe o doma nɛ, nomɛlbwa aa jemɛ tɔpere waa dɛ ba sewa. Gɛ baa wola won lawɛ nɛn le laa ta la, ɡɛɛ wechɔɡa aa wola nɛra baa dɛ ɛ wechɔɡa bini le.

Yela 55:15

N Naa Korowii, ɡel n dɔma piɡri serewe, ɡel ba huɡ ba dɛ ba siwi ta lole, dɛkalkɛ wechɔɡa lɔ ba bambile ne ba deremi.

Yela 55:9

N Naa Korowii, ɡel n dɔma wili, ba bɛ won bol wa! N na wesaɡasaɡare ne yoi bwɛjen la ta,

Yela 36:12

Na ɡɛ wechɔɡ-ɛɛra aa chola, ba taɡ ba ta, baa wola won ir kpa.

Yela 37:32

Nyubinikpeɡ tena dɛ kpaah nɛra ba wa aa toɡra, dɛɛ nyin ba dɛ́ kpoo,

Yela 49:6

Nɛra baa kpɔ ba te dawɛ ba kondɔɔh ta koh a waa dɛɛ ɛ mbarafo aa, maa ɔmɛ.

Yela 59:4

N ta wechɔɡa bɛlbwa ɛɛ, kɛ ba ɡe ɡarɛ dɛɛ nyin dɛ́ yoo mɛ. N Naa Korowii, ir nyu ne, dɛ́ cha mɛ n waa nɔ ta.