Yela 56:13 - mzwDBL

¹³ He lɛɛ mɛ le seo ta, he ta ɡelɛ n dɔma pɔ n nɛ. Anomanta, mɛɛ wono dɛɛ valɛ he sie, he nii waa dɛ chaah dɛɛ tɛ nɛra mkpa la bini.

Yela 56:13 ပူးပေါင်းရင်းမြစ်များ

Job Tɔn 33:30

dɛ́ lawɔ le seo ta, ó bɛ sewɛ, dɛ́ so mkpa ta silɛɛ ne.

Yela 145:14

He lawɛ nɛra baa chola dɛɛ ir, dɛɛ cha banɔ la wenaale aa lɔ ba nɛ.

Yela 49:15

Kɛ Korowii ɛɛ lɛɛ mɛɛ, wɛɛ lɛɛ mɛɛ le kpeɡri seo aa dɔa la nyoa.

1 Tesalonika 1:10

dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

Yela 17:5

He ŋwɛnɛ taa mɛɛ valɛ saŋ bɛlbwa, n ta kee le o ta bwa.

Aesaya 2:5

Jekɔb naanar, hé ɡel yaa valɛ Korowii waa aa chaahna o kpɔ dɛɛ tɛ yaa la ta.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Aesaya 38:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

Yela 94:18

Asɛ n ŋɔ, “N keero dɛɛ ba chola,” kɛ Korowii nyina aa wola jaɡa dɔe la laɡ mɛ kpoŋe.

Jems 5:20

Hé jemɛ kɛŋɔ nomɛlbwa waa wona cha wechɔɡ-ɛɛ asɛ o ɡel wechɔɡa ɛɛ dɛ berɛ baa ɛ wedɛɛɡa ja la, dɛ naate lɛ wechɔɡ-ɛɛ la mkpa, dɛ ɡel o wechɔɡa damanta bwa waa ɛa la, Korowii kpɔ kɛo.

Hibru 2:15

Yeesu ɛ ken ásɛ dɛ won lɛ nɛra baa koh seo ɔma waa dɛ ɛ yoma ba soɡa bini bwa la.

1 Samoɛl 2:9

He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

2 Kɔrent 1:10

O lɛ yaa le siswɛm a fe aa chɛ kɛ ya sewɛ a ta la ta. O ta dɛ lɛ yaa. Ya kpɔ ya sie dawɛ o nɛɛ kɛŋɔ wɛɛ teŋɔɔ dɛɛ lɛ yaa.

Lewi Dea Tena 23:38

Gɛ saraha kwaa nɔ ja Ona Tɔpere saraha kwaa ne koŋkɛɛla, ne nyobaɡa chuɡra sarahare dɛ sarahare aa le he bambile ta haa kpɔ baa tɛ men Korowii bwa ta.