7 Henee lɛɛ mɛ n wahala bwa ta, dɛ ɡel n na n dɔma chola.
Korowii maa dɛ tomɛ, he dɛ nyin n wa, hɛɛ ba n bee dɛ́ ɡel n na n dɔma chola.
O bambile cheɡɛ bobeŋkpoŋ, waa ɔmɛ. O jemɔ kɛ Korowii ɛɛ ɡeloo ó pɔ o dɔma nɛ.
N na n dɔma chola, dɛ no nyubinikpeɡ tena wii baa dɛ wi.
Korowii ja n nɛɛ dɛɛ cha mɛ, anomanta, mɛɛ won pɔ n dɔma nɛ.
Ya Dɔɔ la ɛɛ lee mɛ wobɛlbwa taa, dɛ́ kpɔ mɛ sɔnɔnɔɔ ken kaa o nyundua koobwɛɛ la ta. Onee chɛ kɛ ya tɛo jirima tɔpere bɛlbwa aa wola jaɡa dɔe. Aamen.
Siwii hɛɛ ba kpɔe dɛ́ na wechɔɡ-ɛɛra deŋnetɛra.
Hɛ́ɛ hwɛɡɛ Korowii nɛ, dɛ́ɛ teŋɛ o Mmarare ta. Wɛɛ ɡeloo hé dɔ harɛ la ta so, dɛ́ doŋi nyubinikpeɡ tena la he siwi ta.
Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,
Nɛŋɡwɛɡra wio no Korowii, o no ba be, dɛ lɛɛ ba le ba wenaale bwa ta.
Gɛ maa sune he nɛɛ n ta hen kpoe fini nɔ, Korowii cha mɛ ɡɛ tenten, dɛ́ lɛɛ mɛ le n wenaale bwa ta.”
Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”
Ate, Kooro Devid chaŋe Remɔn bibaala Rekab ne Baana ŋɔ, “N ŋwɛɛ Korowii waa lole saŋ bɛlbwa dɛ lɛɛ mɛ le n wenaale bwa ta,
Koh nyina haa dɛ nyin mɛ la wa, dɛ́ kpoo n dɔma, dɛ́ chɔɡ nɛra baa dɛ fiɡ mɛ bwa, dɛkalkɛ n ɛ he bonɔɔ.
