Yela 54:4 - mzwDBL

⁴ N Naa Korowii, henee dɛɛ cha mɛ, henee dɛɛ tɛ mɛ bokpeɡa.

Yela 54:4 ပူးပေါင်းရင်းမြစ်များ

1 Webena 12:18

Korowii Doma baa so Amasae waa baa ɛ banyoola fifraatoro sitɔɔ la nɛ, asɛ o ŋɔ, “N naa Kooro Devid, henee dɔ yaa! He ne nɛra baa dɛ chae bwa dɔ hɛɛra. Korowii ɛɛ ja he nɛɛ.” Anomanta, Kooro Devid lɛɛ ba dɛ ɡel ba ɛ o laa sitɔɔla.

Yela 118:13

Ba baa yoo mɛ, a ka tama ba fee pɔ n nɛ, kɛ Korowii cha mɛ.

Yela 17:1

N Naa Korowii, no nɛn n wa aa toɡra nɔ wesoŋa, no n wii maa dɛ wi nɔ. Ken deŋne dɛ́ no n wesoŋa, nyosone laa mɛɛ teŋe.

Yela 41:12

N waa toɡrɔ nomanta, hɛɛ laɡ mɛɛ do he sie, saŋ bɛlbwa dɛɛ la.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Hibru 13:6

Anomanta, yaa wonoo lɔ bambile ŋɔ, “N Naa Korowii dɛ cha mɛ, anomanta, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?”