Yela 53:5 - mzwDBL

⁵ Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

Yela 53:5 ပူးပေါင်းရင်းမြစ်များ

Job Tɔn 15:21

Ɔmewa ɛɛ chole ba deŋna taa, ɡɛ saŋ baa ŋɔ ba soɡe deŋnesɔɔhna ta, ŋwɛɛra den lɔ ba tɔ ba nɛ.

Yela 14:5

Baa ɔmɔɔ ba bwara ɛɛ sa, jae Korowii aa ja nɛra ba wa aa toɡra la nɛɛ wa.

Yela 141:7

Baa boloo ŋɔ, “Gɛ ba yon buɡli harɛ la, ɡɛɛ ya hoɡa lɔ peɡre lalbɔɔ nyoa.”

Yela 2:4

Korowii soɡe o kookara ta nyundua dɛɛ mam ba, ba waa ɛ wesale o be.

Yela 35:26

N Naa Korowii, ɡel sihiih kpo nɛra baa dɛ mam mɛ kohona, ásɛ dɛ wili, n wahala maa dɛ na wa. Gel sihiih kpo nɛra baa dɛ lii kɛ ba ɡwaa mɛ kohona.

Yela 35:4

Gel sihiih kpo nɛra baa dɛ nyin mɛ dɛ́ kpo. Nɛra baa dɛ vɔrɔwe n vɔrɔwa la, ɡel ba wili, dɛ́ berɛ kaa.

Yela 40:14

Gel nɛra baa dɛ nyin mɛ dɛ́ kpo la, sihiih kpo ba, bá wili. Nɛra ba sie aa dɛ lɛ n wenaale ta la, ber ba kaa, dɛ́ ɡel sihiih kpo ba.

Yela 73:20

Ba do kɛŋɔ nɛn yon chɔ dɛ́ dee, tɔɔ ne pera dɛ o soɔh la ken. N Naa Korowii, he ɡɔɔ he te naa, ba bwa dɛ́ peɡre.

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Jeremia 49:15

Mɛɛ ɡeloo he nɛra ɡwɛɡre harɛre nɛra bwa bini, ásɛ ba haeh, dɛɛ nyiŋi he nyubaah.

Jeremia 6:30

Baa dɛɛ yerɛ n nɛra sɔnee ŋɔ suuɡapoŋa aa wola tɔnɔ dɔe, dɛkalkɛŋɔ n vɛɛh ba. Men Korowiirii bola.”

Wiile 2:6

O kuuɡi o Dea baa dɛ tomɔ o bini burbur ken, dɛ ɡel tɔpejena baa lea cheɡ a do ɡoroŋ, ne Ona Tɔpera bwa ba a jaɡa. Kooroo yoo, sɔfoo yoo ba bwa nyɔ o danana ne.

Ɛsekeɛl 6:5

Wɛɛ pa Israel tena baa serewa la lalaa bil ba voɡare sie, dɛ́ berɛ pa ba hoɡa bar kwaa baa dɛ ɛ saraha a ta la.

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Lewi Dea Tena 26:36

Kɛ he nɛra haa ba ka la te la, mɛɛ ɡeloo ɔmee chole banɛɛ kohona ba dɔma harɛre baa soɡe a ta la ta, ásɛ peu ta ba no papooni kwaraa sii dɛɛ chwa. Hɛɛ kpɔ sibeɡraa dɛɛ chwa kɛŋɔ baa pamɛ kere teŋɛ he nɛɛ la ken, ásɛ he ka choɡli dɛ nɛn aa heyaa doŋi.

1 Samoɛl 14:15

Belaa ɔmee kohona chole laa tena la bwa nɛɛ baa chel, banɔ la baa lɔ bela baa baŋre ba tɛnte deene ne banɔ la baa lɔ kpɔɡ bini, dɛ nɛra baa laŋa dɛɛ la ka yo bwa. Korowii ɡelɔ harɛ jiɡri ɔmee kohona chole ba nɛ.