Yela 53:1 - mzwDBL

¹ Gɛna ɡboo yon ŋɔ, “Korowii toole.” Nɛndɛɛɡe bɛlbwa toole ba bini, wechɔɡa ɡboo ba bwa, nɛmbeŋkpoŋ kwaraa toole dɛɛ ɛ wedɛɛɡa.

Yela 53:1 ပူးပေါင်းရင်းမြစ်များ

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Job Tɔn 15:16

nɛn te pɔɔh, wechɔɡa suu kɛŋɔ waa dɛ nyɔ ne.

1 Koranar 14:24

Hale dɛ baala dɛ bɔ jwamane voɡare mune harɛ la ta. Juda harɛ ta tena jo kii we-ɛɛla bwa soo siwi nɛra ba fa aa lɔ bela dɛɛ ɛa mɔɔ Korowii doŋ ba le dɛ kpɔ tɛ Israel tena la ta.

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.

Ɛfesos 5:12

Waa ba yon sɔh dɛ́ɛ ɛ la aa were. A waa baɡla ɡba dɔ sihiih.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Yela 10:13

Ɛrɛɛ nyubinikpeɡ tena ɛɛ ba wona ɛ hen Korowii sisawa ɔ? Ɛrɛɛ baa lii ba nyu bini kɛŋɔ, hen Korowii aa ba deŋnee tɛr ɔ?

Yela 10:11

Nyubinikpeɡ tena la yon lii ba nyu bini ŋɔ, “Korowii waane laa. O laa sie kpɔ, waa yaa na bwa!”

Yela 10:6

Ba dɛ lii ba nyu bini ŋɔ, ba wobɛlbwa ɛɛ do werii dɛɛ tɛɛ ba, wobɛlbwa aa ban pu bwa ɡe.

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

1 Koranar 12:26

Kooro Jɛroboam liiro ŋɔ, “Name te, kora la ɛɛ berɔ ba Kooro Devid dem.

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Tɔn Pɔɔl Aa Chwerɛ Rom Tena 1:21

Nɛwɛnyini jemɔ kɛŋɔ Korowii lole, kɛ baa on duu ɡɛ aa chɛ kɛ baa duuru. Baa jam kpɔe dɛɛ tɛo. Nɛwɛnyini wechɔɡa ɡelɔ ba wili, ba ta liire dɔe kpa.

Ɛsekeɛl 16:51

He wechɔɡa haa ɛa la, Samaria ta a dɔŋa ɛɛ. He ɛ waa maa kia kohona ɡwaa ba, he nime ne he nahaah waa toɡrɔ ɡwaale.

Ɛsekeɛl 16:47

Ba da ɡbo laa he kpɔ, asɛ dɛ hweli ba waa maa kia la ɡe dɛ ɛa. Kɛ he we-ɛɛla bwa ta la, a ta biɡre he den ɡwaa ba kwaraa.

Yela 92:6

Nɛn waa wola liire dɔe la aa won jemɛ, nɛn waa ɡɛna ɡe aa won no a mun.

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.