Yela 52:2 - mzwDBL

² He vɔrɔwe nɛra vɔrɔwa dɛ́ chɔɡ ba, he nyondoŋe do kɛŋɔ naŋɡɔse ken, saŋ bɛlbwaa hɛɛ teŋe nyosone.

Yela 52:2 ပူးပေါင်းရင်းမြစ်များ

Yela 109:2

dɛkalkɛ nyubinikpeɡ tena ne nyosonteŋna dɛ yoo mɛ, ba teŋe nyosone bol waa dɛɛ yaɡ mɛ.

Yela 120:2

N Naa Korowii, lɛɛ mɛ le nyosonteŋna baa dɛ neɡre nɛra nɔn ta.

Yela 50:19

Wobochɔɡa ɡboo su he nyoo, he do ɡbaŋre nyosone teŋa ta.

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Yela 59:7

No chɛɡa ne waa aa dɛ le ba nyoo, ba nyondoŋa do kɛ keri ken, kɛ dɛ ɡee lii kɛŋɔ nomɛlbwa aa ba be no.

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

Sɛɡla 30:14

Nɛra bane dɔ kpeɡri dɛ kpɔ dɛɛ fiiɡi nyaara ne nɛŋɡwɛɡra, dɛɛ lɛ kwa, a ɛ ŋwɛnɛ baa kpɔa so, dɛ́ chɔɡ ba le nɛra bini.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Matiu 26:59

Sɔfonomonome ne Juu tena nomonome baa dɛ bol waa dɛɛ pa bole la bwa nyoa pɛo baa nyin waa dɛ́ kpɔ dawɛ Yeesu nɛɛ dɛ́ won che a ta kpoo.

We-ɛɛla 24:1

Tɔpera anue aa baa ɡale la, Sɔfonomoa Ananias ne nomonome bane ne mmara jereme bɛl baa dɛ yerɔ Tɛtolɔs la la Sisaaria. Ba la ba harɛ nomoa Fɛlekse be bela baa dɛ ba waa bola la, dɛ ka baɡle waa Pɔɔl aa ɛa ba ne o dɔ la.

We-ɛɛla 24:5

Nɛnchɔɡe bɛlbwa ta baa nɔ tele! O ne bɔpɛo aa somɛ! O toma bwaa kɛ ó valɛ bol waa dɛɛ ir Juu tena bwaawee, ásɛ baa lɛ ɡaeh harɛ bɛlbwa waa la o ta la ta. Nɛra bane baa dɛ teŋɛ Korowii toma ŋwɛnɛfale bɛl waa wola were la ta asɛ baa yer ba Nasarɛt tena la, ba nomoaa on.

2 Kɔrent 11:13

A ɡɛ nɛra la, Yeesu Kristo toroma ɡbaɡba laa ban. Neɡraa baa neɡre nɛra, dɛ ɛ ba te kɛ Yeesu Kristo toromaa ban la.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

Wepila 12:10

N berɔ no takpeɡ bɛl Korowii doa o ŋɔ, “Taraken N Naa Korowii lɛɛ waa dɛ ba dɛ́ ba lɛ nɛra la telo. O kpeɡri ne o kora dii saŋ telo. Taraken o Kristo waa tomɔ ó ba lɛ yaa la lɛ kpeɡri dɛɛ di, dɛkalkɛŋɔ naate waa chɔɡ yabala dɛɛ tɛ Korowii saŋ bɛlbwa la, Korowii kpɔɔ ta.

1 Samoɛl 22:9

Ate, Edom te Doeɡ o ne Kooro Sɔɔl laa nomonome la aa cheɡa la ŋɔ, “N na Jese bibaa la o ba Nɔb, Ahitub bibaa sɔfo Ahemɛlɛk be.