Yela 51:16 - mzwDBL

¹⁶ He sie aa kwaa kpoora dɛ ɛ saraha tɛɛ ta lɛ, ásɛ n fee kpɔ ba tɛɛ. He sie aa saraha kwaa baa fuah ɡe ta lɛ, ń fee kpɔ ba tɛɛ.

Yela 51:16 ပူးပေါင်းရင်းမြစ်များ

2 Samoɛl 12:9

Ɛrɛɛ he vɛh men Korowii waa maa doe a ta dɛ ɛ wechɔɡa ɡɛ nɔɔ? He ɡelɔ ba kpo Uria Hiti te la, asɛ he kpɔ o haah mo. Amɔn tena nɔn taa he kpɔɔ do, dɛ ɡel ba kpoo laa ta.

Yela 40:6

Konaatena ne koŋkwaa baa kpɔa ɛ sarahare dɛɛ tɛɛ la, he sie aa a ta lɛ, he tɛ mɛ deŋne ŋɔ, n kpɔ no he wa. He siwi aa konaatena baa dɛ fuah ambire dɛɛ tɛɛ, ne sarahare baa ɛa, dɛ kpɔ dɛɛ soŋe nɛra wechɔɡa la su.

Yela 50:8

Maa heyaa kah ŋɔ kwaa haa kpoora ɛ sarahare, kɛɛ kwaa haa fuah ɛ sarahare n sie saŋ bɛlbwa la aa were.

Yela 51:6

Kasinteŋ ne waa aa weraa hɛɛ nyin, anomanta, tɛ mɛ he wejema.

Yela 71:15

Mɛɛ bol he wedɛɛɡa ɛɛ waa, dɛ́ bol lɛɛ haa dɛ lɛ nɛra tɔpebir bwa wa, a lole kɛ a ɡwaa n liire ta kɛ ń won jemɛ.

Kaala 21:14

Kɛ dɛ nomɛlbwa dɔ o dɔŋ liire dɛ ka kpoo waa, hale o chwao ka marɛ n saraha kon la dɛ́ dɔ o nyu kwaraa naa, hé lawɔ le, ásɛ dɛ ka kpoo.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Jeremia 7:27

Jeremia, he bol ɡɛ waa nɔ ba be kwaraa naa, baa he bee no, he yer ba ɡe aa, baa hen chaŋe.

Hosia 6:6

He dɛ na dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ. Men Korowii jema hiah mɛ ɡwaa sarahare ɛɛ dɛ́ fuah.

Nɛra Kura 15:27

Kɛ dɛ nɛmbeŋkpoŋ ta saahnɛ dɛ ɛ wechɔɡa aa, a chɛ kɛ ó kpɔ bohlor waa di benanyoa ba ɛ wechɔɡa kpɔe dɛ kɛ saraha.

Nɛra Kura 35:31

He bɛ suuɡa lɛ le nomɛlbwa waa kpo nɛn a chɛ kɛŋɔ bá kpoo la be, dɛ́ kpɔ o nyu kɛo.

Mmarare 22:22

Dɛ he na baa dɛ o lawɛ o dɔŋ haah chɔ aa, hé kpo baa la ne haah la bwa, dɛ́ le ɡɛ wechɔɡa la ne Israel harɛ ta.

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.