Yela 51:10 - mzwDBL

¹⁰ N Naa Korowii, ɡel n bambile bini to, dɛ́ tɛ mɛ dadɛɛɡe.

Yela 51:10 ပူးပေါင်းရင်းမြစ်များ

Yela 24:4

Nɛn o we-ɛɛla aa wera, o tea to waa wola voɡa tomɛ, kɛɛ dɛɛ ŋwɛɛ saɡasaɡa.

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Yela 73:1

Kasinteŋ, Korowii waa wer tɛ o nɛra Israel tena, banɔ la ba tea bini aa toa dɛɛ teŋɛ o waa ta la.

Yela 78:37

Baa o waa ta teŋɛ, baa fɔo o ne baa fɔwa la ta teŋɛ.

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Sɛɡla 20:9

Umee dɛ́ won ŋɔ, “N te tea bini too, wechɔɡa toole n nɛ kwaraa nɔ?”

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Ɛsekeɛl 18:31

Hé laa he te kpɔ wechɔɡa bɛlbwa ta, dɛ́ dɔ bambidɛɛɡe ne liifala dɛɛ teŋɛ n waa ta. Israel tena, ɛrɛɛ hɛɛ nyin kɛ he serewe nɔɔ?

Ɛsekeɛl 36:37

Nemenɛ Korowii ŋɔ, “Mɛɛ berɔ no Israel tena wesoŋa ja, ásɛ dɛ ɛ ɡɛ waa la tɛɛ ba. N dɛ ba ɡela ba warɛ kɛŋɔ peera ken.

Matiu 5:8

Nɛra ba tea bini aa toa la, ba na som, dɛkalkɛ banee dɛɛ ba Korowii nae.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Kolosi 3:10

dɛ́ charɛ dafale. Korowiirii ɡela he do ɡɛ la. Onee dɛɛ kwaa he dafale la saŋ bɛlbwa ásɛ he do kɛrɛdɛ ɡɛ waa doa la, dɛ́ won jemɔ kɛrɛdɛ ka tonɛ.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Jems 1:8

Dɛ naate dɛ soŋe Korowii aa, o bɛ dɛɛ lii kɛŋɔ wɛɛ no o bee.

Josua 14:14

Kaleb yarada Korowii Israel tena aa dɛ tomɔ o bambile bwa ne kɛrɛdɛ, anomanta, Korowii kpɔ bwɛjen Hɛbrɔn tɛo. O naanar ta soɡe bela ba le fini.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,