Yela 50:3 - mzwDBL

³ Korowii yaa dɛ tomɔ dɛ ba naa, waa sɔeh dɛɛ ba, nijena dɛ́ tɔ o sie, ásɛ peukpeɡ ta baro dɛɛ cheme.

Yela 50:3 ပူးပေါင်းရင်းမြစ်များ

Yela 48:14

dɛkalkɛ ɡɛ Korowii nɔɔ yaa tomɛ saŋ bɛlbwa, wɛɛ tɔ ya siee, dɛɛ baɡle ŋwɛnɛ yaa kpɔ o ta saŋ bɛlbwa dɛɛ la.

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Yela 68:20

Korowii yaa dɛ tomɔ ɛ Korowii waa dɛ lɛ yaa, Nemenɛ Korowii won yaa lɛɛ dɛ́ le seo nyoa.

Yela 83:1

N Naa Korowii, bɛ nyoa tɔ! Ir nyu ne.

Yela 96:13

saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta ne kasinteŋ ne.

Kaala 19:18

Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,

Aesaya 35:4

Hé ŋɔ banɔ la ba bambile aa chɔɡa la be ŋɔ, “Hé che kiŋkiŋ, he bɛ ɔmɛ. Korowii haa dɛ tomɔ la dɛ ba, dɛ́ ba cha heya. Wɛɛ ba lɛ heyaa le he dɔma nɔn taa, dɛ́ tɛr ba deŋne kohona bɔ kem.”

Ɛsekeɛl 1:4

N nao kɛŋɔ peukpeɡ bɛl aa taa dɛ kpɔ bam waa kana le weekaŋle nyunduabɔr, nii baro cheme, o bini ɛɛ nyɛɡle pelɔpelɔ ken. Waa dɛ nyɛɡle la, komɛl do kɛŋɔ ayaawa ken dɛ do o bini.

Daneɛl 7:10

Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Lewi Dea Tena 10:2

Anomanta, Korowii ɡelɔ nii le buɡ la ta, o sie bela dɛ ba fuuh ba, ba bwa serewe.

Habakuk 3:5

Weechɔɡa tɔ he sie, asɛ he ŋɔ seo be ŋɔ ó teŋɛ he nɛ.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Nɛra Kura 16:35

Asɛ nii le Korowii be, dɛ ba fuh nɛra lafraanɛ fifraanue baa dɛ fuh daawiile la bwa.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Wepila 22:20

Naate waa ɛ waa nɔ bwa danseɛ la ŋɔ, “Kpelaa, n dɛ ba taraken!” Aamen. N Dɔɔ Yeesu, ba warane!