Yela 50:14 - mzwDBL

¹⁴ Hé kpɔ jam ɛ saraha tɛ men Korowii, dɛ́ ka chuɡri he nyobaɡa bwa Nemenɛ Korowii be.

Yela 50:14 ပူးပေါင်းရင်းမြစ်များ

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Yela 56:12

N Naa Korowii, henee n baɡɛ nyoa, mɛɛ kpɔ n jam kwaa ba tɛɛ.

Mmarare 23:21

Dɛ he baɡɛ Korowii haa dɛ tomɔ nɔ nyoa aa, chuɡra warane ásɛ a bɛ wechɔɡa ba berɛ tɛɛ. A ɛ wobɛlbwa Korowii haa dɛ tomɔ nɔ ɛɛ lɛo le he be.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

1 Tesalonika 5:18

Hɛ́ɛ jam Korowii wobɛlbwa ta, dɛkalkɛŋɔ ɡɛɛ Korowii che Yeesu Kristo nɛɛ dɛɛ baɡle o tetoowaa he be.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Neehum 1:15

Hé ha sie nyiŋi bwejena dor! Nɛn waa kpoŋe amanesoma dɛ valɛ bela, dɛɛ bol deŋnesɔɔhna wa. Juda tena, hé di he tɔpejena la, dɛ́ kpɔ kwaa haa baɡɛ Korowii nyoa la ba tɛo. Nyubinikpeɡ tena aa heyaa ba yo he harɛ ta kpa. Mɛɛ chɔɡ ba bwaa kwaraa.

Yela 147:1

Hé kpɛɛ Korowii! A wer kɛ yá ɡo yela kpɛɛ Korowii yaa dɛ tomɔ, a dɔ silɛɛ dɛ chɛ kɛ yá kpɛɛro.

Yela 65:1

N Naa Korowii, henee chɛ kɛ yá kpɔ duure tɛɛ bwɛjen Saayɔn, dɛ́ chuɡri ya nyobaɡa yaa baɡɛ la,

Yela 27:6

Anee dɛ́ ɡel n baŋa pa, n dɔma baa bar mɛ cheme la nɛ. Mɛɛ kpoo kwaa ɛ sarahare tɛɛ he Dea bela silɛɛ lɔŋɔre ne, dɛ́ ɡo yela kpɛɛre.

Yela 22:25

Mɛɛ kpɛɛre nɛnlaa tenten baahnee, nɛra baa dɛ tomɛ siee mɛɛ ba kwaa kpoora ɛ saraha tɛɛ, ɡɛ maa baɡɛ nyoa la.

Yela 61:8

Anee dɛ́ ɡel n ɡo yela kpɛɛ he sɔn saŋ bɛlbwa, dɛɛ chuɡri n nyobaɡa tɔpere bɛlbwa.

Mmarare 23:22

Dɛ he ta nyoa baɡaa, a ta wechɔɡa ɛɛ.

Mmarare 23:23

Anɔ la aa le he nyoa la, nyiŋi kɛrɛdɛ dɛ́ ɛa, dɛkalkɛŋɔ henee ta tea dɛ baɡɛ Korowii haa dɛ tomɔ nɔ nyoa.

Mmarare 23:24

Dɛ he jo he dɔŋ bɛl daa koo ta naa, di daa la nɔna bɛlbwa ɡɛ haa dɛ nyin, kɛ bɛ ane kpɔ do he pur bini.

Job Tɔn 22:27

Hɛɛ wiu noo ásɛ o no he be, hɛɛ baɡɔɔ nyoa dɛ́ won teŋɛ a ta.

Yela 22:26

Nyaara ɛɛ di kwaa vaɡɛ ɡɛ baa dɛ nyin, nɛra baa dɛ tomɛ Korowii ɛɛ kpɛɛroo. Kórowii ɡel bá dɔ silɛɛ saŋ bɛlbwa dɛɛ la!

Yela 69:32

Nɛra baa dɛ fiɡ ba la na ɡɛ naa, ba sie ɛɛ lɛo, ásɛ banɔ la baa dɛ tomɛ Korowii dɔ ɡbemba.

Yela 76:12

O dɛ sɔɔh koranar bambikpeɡ nyoa, koranar baa lɔ harɛ nɔ ta bwa dɛ ɔmɔ.

Neehum 2:1

Niniwe tena, nomɛl dɛ ba ba yo heya. Hé daah he dekpeɡ la! Hé ta sie ŋwɛnɛ ta! Hé che kiŋkiŋ, dɛ́ kpɔ he te ka yo!