Yela 5:7 - mzwDBL

⁷ Kɛ n te, he nyina haa dɛ nyin mɛ kohona nomanta, mɛɛ won ba he Dea dɛ́ ba ɡuŋi, dɛɛ tomɛ he Dea waa do ɡoroŋ ta ɔmee ne.

Yela 5:7 ပူးပေါင်းရင်းမြစ်များ

1 Koranar 8:35

Kooro Solomɔn berɔ ŋɔ, “Dɛ ya Israel tena yaa ɛ he nɛra ɛ wechɔɡa dɛ jo he nɛ, asɛ he koh a waa dɛ lawɛ bwaala kpoŋe, asɛ ya charɛ ya liire dɛ kpɔ sie chaɡɛ he Dea nɔ bini dɛɛ soŋe naa,

1 Koranar 8:38

nɛra yaa ɛ he nɛra nɔ bini bɛlbwa koh a waa le o bambile ta dɛ ir nɔɔra nyundua chaɡɛ he Dea nɔ dɛ soŋe naa,

Yela 101:7

Nomɛlbwa waa dɛ neɡre o dɔŋ, aa n demii so. Nyosonteŋna ɡe aa won che n sie.

Yela 130:4

Kɛ he kpɔ ya wechɔɡa dɛɛ kɛ yaa, asɛ a che a ta yaa ɔmɛ.

Yela 132:7

Belaa ya ŋɔ, “Hé ɡel yá kaa Korowii be o Dea, dɛ́ ka tomɔ o kookara la sie.”

Yela 138:2

Mɛɛ kpɔ sie pa he Dea waa do ɡoroŋ la taa, dɛ́ ba harɛ dɛɛ kpɛɛre, he nyina aa wola jaɡa dɔe, ne kasinteŋ dɔe la wa. Dɛkalkɛ he sɔn ne waa haa ŋɔa hɛɛ ɛo kan ɡwaa komɛlbwa.

Yela 28:2

No n wii maa wia dɛɛ noe nɔ, dɛ́ cha mɛ, sune n nɛ, dɛ́ no n wii, maa ɡɔɔ nɔɔra nyundua chaɡɛ he Dea dɛ́ soŋe, bela waa do ɡoroŋ la.

Yela 34:17

Nɛra ba wa aa toɡra wio no Korowii aa, o dɛ no, dɛ lɛɛ ba dɛɛ le ba wahala bwa ta.

Yela 51:1

N Naa Korowii, koh he nyina aa wola jaɡa dɔe la wa, dɛ́ na n sum. Koh he tedoma kohona la wa, dɛ́ fee n wechɔɡa.

Yela 52:8

Kɛ n te, n do kɛŋɔ ɔleve da, dɛ che Korowii Dea dɛɛ kpeɡ. N dɛ hwɛɡɛ Korowii nyina aa wola jaɡa dɔe saŋ bɛlbwa la ta.

Yela 55:16

Kɛ n wio no hen Korowii, asɛ he no dɛ cha mɛ.

Yela 69:13

Kɛ N Naa Korowii, henee n wi dɛɛ no, le saŋ haa dɛ nyin cheɡ dɛ́ chaŋ mɛ. Chaŋ mɛ he nyina waa kana la wa, he nyoa haa baɡ mɛ nomanta, hɛɛ lɛɛ mɛɛ.

Yela 69:16

N Naa Korowii, che he nyina aa wola jaɡa dɔe ta, dɛ́ chaŋ mɛ. Berɛ sie n be, dɛ́ sune n nɛɛ kohona.

Sɛɡla 6:16

Webele anumɛl kɛɛ anuanɛ ane lole Korowii haah kɔkɔkɔkɔ, anee,

Sɛɡla 6:17

nɛn waa nyiŋi nɛn dɛɛ vah, ne nyosonteŋni, ne nɛŋkpoa,

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Aesaya 64:11

He Dea waa do ɡoroŋ dɛ do wer tɛ yaa ya naawa fa aa kpɛɛre o bini la, nii fuuh. Bɔra ya sie aa dɛ lɛ a ta bwa kuuɡo dɛ berɛ dimɡbeeni.

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”