Yela 5:4 - mzwDBL

⁴ N Naa Korowii, he sie aa wechɔɡa ta lɛ, nyubinikpeɡ tena aa won ba he be.

Yela 5:4 ပူးပေါင်းရင်းမြစ်များ

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Yela 101:7

Nomɛlbwa waa dɛ neɡre o dɔŋ, aa n demii so. Nyosonteŋna ɡe aa won che n sie.

Yela 11:5

O dɛ pese nɛra ba wa aa toɡra, kɛ nyubinikpeɡ tena, ne naɡrenyin tena te, o hah ba o bambile bwa.

Yela 140:13

Kasinteŋ, nɛra ba wa aa toɡra la ɛɛ kpɛɛree, baa do he siee.

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Yela 63:2

N na ɡɛ he kpeɡri ne he jirima aa doa, he Dea bela.

Yela 88:14

N Naa Korowii, ɛrɛɛ he berɛ habɔɔ kpo mɛ, dɛ laa sie kpɔ n nɛɛ nɔɔ?

Yela 92:15

Anee dɛɛ baɡle kɛŋɔ, “Korowii waa toɡrɔ. Onee Bwetal n chwa kaa marɔ, o nyu bini ɡe aa kpeɡe.”

Yela 94:20

He ne nɛnchɔɡa baa wola waa bol aŋwɛnɛ ta, ne nɛra baa kpɔ nyosone berɛ kasinteŋ la toole wobɛlbwa bini.

Habakuk 1:13

He do ɡoroŋ kohona, haa soɡee dɛɛ nyiŋi waa aa ɛ wechɔɡa. Haa wechɔɡa nyin. Ɛrɛɛ hɛɛ ba nyoa tɔe, dɛ́ nyiŋi nɛnchɔɡa bá chɔɡ nɛra ba wechɔɡa aa wola doe kɛ ban ɔ?

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

2 Pita 3:13

Ya dɛ nyiŋi nyoa Korowii aa baɡa la ŋwɛnɛ. Anee kɛŋɔ wɛɛ ta nyundua onfale ne harɛfalee. Belaa wedɛɛɡa ɛɛ ba doe.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.