Yela 5:3 - mzwDBL

³ N Naa Korowii, chɔɔ bɛlbwa he dɛ no n taa. Chɔɔbɔr n kpɔ n wesoŋa dɛɛ bil he sie, dɛɛ kpa ɡɛ haa chaŋ mɛ.

Yela 5:3 ပူးပေါင်းရင်းမြစ်များ

Job Tɔn 34:28

Ba ɡelɔ nyaara wi dɛɛ no Korowii, asɛ wɛɛ no yera baa dɛ yerɔ ŋɔ ó cha ba.

Yela 119:147

Mɔɔ wee aa le chɔmbibii la, dɛ n wio noe kɛ he cha mɛ. N kpɔ n hwɛɡa do he waa la ta.

Yela 130:2

No n wii maa wia dɛɛ yerɛ. Cheɡ deŋne no n be, dɛ́ ba cha mɛ.

Yela 130:6

N dɛ kpa Korowii sibeɡra ne, ɡwaa ɡɛ nɛra baa dɛ daah bɔr jwaana, yon dɛɛ nyiŋi bɔr chaahna ŋwɛnɛ kohona la.

Yela 145:1

N Naa Korowii maa dɛ tomɛ, ne n kooro, mɛɛ jaame saŋ bɛlbwaa dɛɛ la.

Yela 22:2

N Naa Korowii, n wio dɛɛ noe chɔɔ haa men chaŋe, dɛ wi dɛɛ noe jwaana, kɛ n bwara aa men sɔɔh.

Yela 44:5

He kpeɡri taa a che, ya won pɔ ya dɔma nɛ, he sɔn taa ya che, dɛ tiɡri ba nɛ.

Yela 55:17

Jwaana, chɔɔ ne webaŋa, n suna wii ne n pɛma dɛ tel he be, asɛ hɛɛ no n taa.

Yela 69:16

N Naa Korowii, che he nyina aa wola jaɡa dɔe ta, dɛ́ chaŋ mɛ. Berɛ sie n be, dɛ́ sune n nɛɛ kohona.

Yela 74:12

N Naa Korowii, henee Kooro le saŋ la bwa, henee bala dɛ́ ba lɛ harɛ nɔ ta nɛra.

Yela 84:4

Nɛra baa lɔ he Dea la, ba na som. Ba ɡo yela dɛɛ kpɛɛre saŋ bɛlbwa.

Yela 88:13

N Naa Korowii, n wio dɛɛ noe kɛ he cha mɛ, chɔɔ bɛlbwaa n kpɔ n wesoŋa dɛɛ bil he sie.

Aesaya 26:9

N sie dɛ che chiŋ jwaana he wa, chɔɔbɔr ɡe, n pɛla dɛ lawɛ. He baa bol harɛ nɔ ta nɛra waa dɛ pa bole aa, aa ɡeloo ba hweli waa aa toɡra.

Wiile 3:56

He no n waa maa kpɔa bil he sie. Bɛ deŋna tɔɔɡe, no n wii, dɛ́ ba cha mɛ.

Amanesoma Mak Aa Chwera Tɔn 1:35

Tɔ aa pera chɔmbibi la, Yeesu iro le dem bela dɛ kaa bela aa hela, dɛ ka soŋe Korowii.