Yela 5:12 - mzwDBL

¹² Kpela, Korowii he ɡelɔ nɛra ba wa aa toɡra na som. He nyina haa dɛ nyin ba la tɔ ba ɡbemɡbe, dɛ bar ba cheme.

Yela 5:12 ပူးပေါင်းရင်းမြစ်များ

Yela 112:1

Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.

Yela 115:13

Wɛɛ swee andɛɛɡaa tɛ nɛra baa dɛ tomɔ, nɛnjena ne nɛmpɛɛne bwa.

Yela 118:15

Hé no nɛra ba wa aa toɡra silɛɛ moola aa dɛ le ba tɛnte deene bini, pɔe baa pɔ ba dɔma nɛɛ la wa. Ba ŋɔ, “Korowii kpeɡri, o won wekpeɡa kohona ɛɛ.

Yela 119:132

Berɛ sie n be, dɛ́ na n sum, ɡɛ haa dɛ ɛ nɛra baa dɛ nyini bwa la.

Yela 29:11

Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.

Yela 3:3

N Naa Korowii, henee dɛɛ tɔ mɛ ɡbemɡbe. N Naa Korowii, henee tɛ mɛ jirima, dɛ ɡel n dɔ hwɛɡa.

Yela 3:8

N Naa Korowii, henee dɛɛ lɛ nɛra, swee andɛɛɡa tɛ he nɛra.

Yela 32:10

Nyubinikpeɡ tena wenaale warɔ taeh, kɛ Korowii nyina aa wola jaɡa dɔe la, dɛ tɔ nɛn waa dɛ yaradao la nɛ.

Yela 32:7

He bee n chwa baa sɔh, hɛɛ lɛɛ mɛɛ le sibeɡra ta. Mɛɛ ɡo yelaa kpɛɛre, lɛɛ haa lɛɛ mɛ la wa.

Yela 68:4

Hé ɡo yela kpɛɛ Korowii sɔn, hé kwaa ŋwɛnɛ tɛo, o le baama bini dɛɛ ba. O sɔne Korowii, hɛɛ hɛɡre o sie.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.