3 Mɛɛ bol wejemwaa, á ɡel he liire bini chaah, hɛɛ no waa mun.
Tepoŋ nee mɛɛ ba waa bola, kasinteŋii mɛɛ ba bola.
Kɛ dɛ ɡɛ laa aa, no n be, hel, mɛɛ chaɡle wejemaa.”
N dɛ soŋe kɛ Korowii sie lɛ yel maa dɛ ɡo nɔ ta, dɛkalkɛ onee dɛɛ tɛ mɛ silɛɛ.
He waa la baɡla ɡelɔ nɛra liire bini ɛɛ chaah, dɛɛ tɛ nɛra baa wola wobɛlbwa jemɛ wejema.
N Naa Korowii, ɡel n nyoa wobol, ne n liire ɛɛ lɛ he sie, henee n Lɛɛ, dɛ do kɛ Bwetal maa chwaa kaa marɛ.
Nɛra ba wa aa toɡra nyoa wejemwaa do, ba nyoa waa aa wera ne kasinteŋ do.
Hé jemɛ kɛŋɔ Korowii le nɛn, o wa aa toɡra tɛ o te biɡri. Saŋ bɛlbwa maa wi noo la, o dɛ no.
Wobol aa wera su n nyoa, mɛɛ ba kpɔe ɡo yel tɛ kooro. N nyoa wobol do kɛŋɔ, kon nɛn waa jemɛ chwera kɛrɛdɛ, aa kpoŋa dɛɛ chwerɛ.
Cheɡ deŋne dɛ no nɛn waa jemɛ waa wobol, dɛ́ hweli waa maa dɛ baɡle nɔ.
Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.
N webaɡla ɛɛ ba he bee kɛŋɔ bwaala aa dɛ wiri, n wobol do kɛŋɔ chɔɔlen mɛn, ne bwaala wira waa ɡela kpɔɡa ɛɛ le la.
