Yela 48:9 - mzwDBL

⁹ N Naa Korowii, he nyina aa wola jaɡa dɔe ɡbo waa lɔ ya nyu bini, yaa lii he Dea bela.

Yela 48:9 ပူးပေါင်းရင်းမြစ်များ

1 Koranar 10:6

Anee o ŋɔ Kooro Solomɔn be ŋɔ, “Waa haa ɛa ne wejema haa dɔa n do n harɛ ta dɛ no la ɛ kpela.

1 Koranar 10:7

N ta ɡɛ baa bola la yaradae, atane n ɡbabir aa baa naa siwi ne nɔ. Waa la baa bola la ta waa nɔ bɛne kwara. He wejema ne he kondɔɔh ɡwaa anɔ la maa noa la kohona.

Yela 104:34

N dɛ soŋe kɛ Korowii sie lɛ yel maa dɛ ɡo nɔ ta, dɛkalkɛ onee dɛɛ tɛ mɛ silɛɛ.

Yela 26:3

He nyina aa wola jaɡa dɔe bwa laanee dɛɛ baɡle mɛ ŋwɛnɛ, he kasinteŋ ɡe ɛɛ tɔ n sie.

Yela 40:10

Maa amanesoma aa dɛ lɛ nɛra la kpɔe dɛɛ sɔh n bambile bini, n dɛ bol he kasinteŋ ne he chae waa la. He nɛra chemo warɛ aa, maa nyoa tɔ, he waa aa ɛ kasinteŋ, ne he nyina aa wola jaɡa dɔe la ta.

Yela 87:5

Baa bol bwɛjen Jerusalam waa ŋɔ, o binii harɛre nɛra bwa le dɛ ba, Nemenɛ Korowii ɛɛ ɡeloo ó do kpeɡri.

Yelsom 1:4

Laɡ mɛ kaa warane, n dɛ nyin kɛ n kooro laɡ mɛ kaa o dem warane! Yá hɛɡre, dɛ́ ɡel ya sie lɛ kohona, yaa kpɛɛ he nyina haa dɔa laanee ɡwaa kɛ ya nyɔ sen. A waa ɡela bitoli bwa ɛɛ nyin he waa kɛrɛdɛ la!

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”