Yela 47:8 - mzwDBL

⁸ Korowii soɡe o kookara waa do ɡoroŋ ta, dɛɛ di kora harɛre nɛra bwa nɛ.

Yela 47:8 ပူးပေါင်းရင်းမြစ်များ

1 Webena 16:31

Kwaa aa lɔ nyundua ne harɛ bwa, hé ɡel he sie lɛ kɛŋɔ nɛra aa dɛ lɛ ba sie. Hé ɡel harɛre nɛra bwa no kɛŋɔ, “Korowii dɛ di kora.”

Yela 110:6

Wɛɛ bol harɛre nɛra waa dɛ́ pa bole, ba serewe warɛ chɔ laa ta, dɛ́ kpoo harɛ nɔ ta koranar bwa.

Yela 48:1

Korowii yaa dɛ tomɔ kan, a chɛ kɛ yá kpɛɛro o bwɛjen waa chɔŋɛ bwejen waa do ɡoroŋ la ta.

Yela 89:14

Waa aa toɡra ne waa bola dɛ́ pa bole aŋwɛnɛ ta, nee hɛɛ di kora. Nɛnnyin ne kasinteŋ ɡboo he kpɔ dɛɛ ɛ he wa.

Yela 9:4

He waa dɔ kasinteŋ, dɛ bol n waa tɛ mɛ aŋwɛnɛ ta, he soɡe he kookara ta, dɛ bol n waa tɛ mɛ n di bole.

Yela 93:1

Korowii dɛ di kora, o do laala kɛŋɔ kooro, dɛ dɔ jirima kohona dɛɛ di kpeɡri. O ta harɛ dɛ ɡel o che kiŋkiŋ, nomɛlbwa aa wola won kpɔ le o buɡ ta.

Yela 94:20

He ne nɛnchɔɡa baa wola waa bol aŋwɛnɛ ta, ne nɛra baa kpɔ nyosone berɛ kasinteŋ la toole wobɛlbwa bini.

Yela 96:10

Hé ɡel harɛre nɛra bwa no kɛŋɔ, “Korowii dɛ di kora! O ta harɛ o che kiŋkiŋ waa wola yiiɡi, dɛ bol nɛra bwa waa dɛɛ pa ba bole ɡɛ aa chɛa.”

Yela 97:1

Harɛ nɔ ta nɛra, hé ɡel he sie lɛ, dɛkalkɛŋɔ Korowii dɛ di kora. Gel nɛra baa soɡe ekwie harɛre ta la ɡe hɛɡre.

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.

Yela 99:2

Korowii kan dɛ do bwɛjen Saayɔn dɛɛ di kora harɛre nɛra bwa nɛ.

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.