Yela 47:5 - mzwDBL

⁵ Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.

Yela 47:5 ပူးပေါင်းရင်းမြစ်များ

2 Samoɛl 6:15

asɛ o ne Israel tena la bwa kpɔ silɛɛ lɔŋɔre dɛɛ hoh bɛle, dɛ kpɔ Daka la ba Jerusalam.

1 Webena 15:24

Sebania ne Josafat ne Nɛtanɛl, ne Amasae ne Sekaria ne Bɛnaya, dɛ Eliesa baa ɛ sɔfore laanee, dɛ́ tɔ Korowii Ne Nɛwɛnyina Fɔo Daka la sie dɛɛ hoh bɛle. Ɔbɛd Edom ne Jehia ɡe ja dɛɛ daah Daka la.

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

1 Webena 16:42

Heman ne Jedutun chɔ bɛle hoeh ne kwaa anɛ ane baa kpɔ ayaawa ɛa dɛɛ hɛlɛ, dɛ anɔ la aa jaa ba kpɔ ɡo yela dɛɛ kpɛɛ Korowii la nyoa. Jedutun bibaala la te, doonyoa belaa ba ɡel ba so dɛɛ daah bela.

Yela 150:3

Hé hoh bɛle kpɛɛro, dɛ́ lɔ janjela ne kwaa bwa soo siwi kpɛɛro.

Yela 68:33

onee soɡe nyundujaɡla, dɛ do le saŋ la bwa. Hé cheɡ deŋne no kɔɡra waa dɛ kɔɡre kohona.

Yela 78:65

Belaa Korowii ir, a do kɛ nɛn waa ir dom ta ken, kɛŋɔ nɛn o bwara aa kpeɡa, dɛ nyɔ sen a dɛɛro, o bwara yon ir la.

Yela 81:3

Hé hoh pebal nyeɡle bɛla Korobifale Tɔpejen ta, korobie baa kpeɡ ɡe aa, hé berɛ hoh.

Yela 98:6

Hé hoh bɛle ne pebala nyeɡlare kohona, dɛ́ moo silɛɛ ne kpɛɛ Korowii waa ɛ ya kooro la.

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Emɔs 8:7

Korowii Israel tena aa dɛ tomɔ la ŋwɛɛrɔ ŋɔ, “Maa ba waa baa ɛa bɛlbwaa soh bwa.

Malakae 2:3

He we-ɛɛla nomanta, mɛɛ tɛr he naanar deŋnee, dɛ́ kpɔ kondɛɛra haa kpoora ɛ saraha dɛɛ tɛ mɛ tɔpejena ta la bena fɔɡle he sie, ásɛ ba kpɔ he ne loŋɡboŋbena la ɡɛ kaa.

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

1 Kɔrent 15:52

Aa ɛo wɔrɔbe nɛɛ kilo, ɡɛ saŋ Korowii bɛla aa ba si, dɛ́ baɡle waa bwa jaɡa la. Dɛ o sio waa, Korowii ɛɛ ir serewa laanee seo ta, ásɛ ba dɔ bwadabii waa wola pɔh, dɛ beɡre ya banɔ la yaa wola sewɛ dɛ ta so le la bwara,

1 Tesalonika 4:16

dɛkalkɛŋɔ ya Dɔɔ la ɡbabir ɛɛ le nyundua dɛ́ tu ba, dɛ́ ba yerɛ o nɛra takpeɡ ne, ásɛ o nyundua toroma nomoa ɡe yerɛ, Korowii bɛla si tɔ o sie, ásɛ banɔ la baa yarada Yeesu Kristo mɔɔ dɛ serewe la ir,

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Josua 6:5

Bɛlhoohla la ɛ dɛ́ hoh ba bɛle la kohona, ásɛ nɛra la bwa ɛɛ dooɡe lɔŋɔre kohona. Danjwɛɛ baa mao bar bwɛɛ la ɛɛ choɡluu, ásɛ nomɛlbwa den jo bwɛjen la ta.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”