Yela 47:4 - mzwDBL

⁴ Onee le ya harɛ yaa soɡe o ta nɔ cheɡ tɛ yaa, o ɡbabir nɛra Israel tena waa dɛ nyin yaa, dɛ kpɔ tɛ yaa o ɛ ya kapɛrɛ kon la.

Yela 47:4 ပူးပေါင်းရင်းမြစ်များ

Yela 136:22

O kpɔɔ tɛ Israel tena baa ɛ o bonɔɔna. O nyina lole saŋ bɛlbwa dɛɛ la.

Yela 16:3

Korowii nɛra ba wa aa toɡra harɛ nɔ ta la, ba waa wer n be kɛrɛdɛ, asɛ n bwara ɛɛ sɔɔh mɛ ba waa taeh.

Aesaya 60:15

Jerusalam, ba fa haeh dɛ vɛɛh, nomɛlbwa aa he ta kpɔ. Kɛ mɛɛ ɛɛ he do wer kɛŋɔ, bwɛjen waa soma tɛ nɛra saŋ te bɛlbwa dɛɛ la.

Jeremia 3:19

Belaa Korowii ŋɔ, “Israel tena, n dɛ nyin kɛ ń kpɔ heyaa berɛ n bii dɛ́ tɛ heyaa harɛ waa wera, harɛ waa wera kohona harɛre bwa ta. N liiro ŋɔ hɛɛ yer mɛ he mɛɛ dɛ bɛ habɔɔ berɛ kpo mɛ.

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Hosia 14:4

Korowii ŋɔ, “Mɛɛ berɔ lawɛ n nɛra ba n be, dɛ́ nyin ba waa n bambile bwa ne, dɛkalkɛ n bandia toole ba nɛɛ kpa.

Emɔs 6:8

Nemenɛ Korowii, Korowii Waa Ɛ Kpeɡri Bwa Dɔɔ ŋwɛɛ o ɡbaɡba ŋɔ, “N hah mbarafo Israel tena aa dɛ ɛ la, dɛ ki ba dekpeɡa baa soɡe a bini. Mɛɛ kpɔ bwɛjen la ne komɛlbwa waa lɔ o taa do ba dɔma nɔn ta.”

Emɔs 8:7

Korowii Israel tena aa dɛ tomɔ la ŋwɛɛrɔ ŋɔ, “Maa ba waa baa ɛa bɛlbwaa soh bwa.

Neehum 2:2

Korowii berɔ dɛɛ ba Jekɔb jirima kpɔe tɛo, kɛŋɔ waa kpɔ Israel tena jirima tɛɛ ba la. A lole kɛŋɔ nɛnchɔɡa chɔɡ ba bwa, harɛ la chɔ pɛɛ, dɛ chɔɡ ɡrepo daa baa kpɔ a nɔna dɛɛ ɛ sen bwa.

Malakae 1:2

Korowii ŋɔ o nɛra Israel tena be ŋɔ, “Men Korowii, saŋ bɛlbwaa mɛɛ nyin heya.” Kɛ he dɛ bɔɔ ŋɔ, “Bɔkwaa chaɡla kɛ he dɛ nyin yaa ɔ?” Asɛ Korowii chaŋe ŋɔ, “Jekɔb dɔɔree Esɔ, kɛ n nyin Jekɔb ne o naanar,

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

Mmarare 11:12

O ɛ harɛ Korowii haa dɛ tomɔ nɔ aa dɛ nyiŋi o ta saŋ te bɛlbwa, o siwi lɔ o ta tɔpere bɛlbwa ka tel benanyoa aa ba cheme.

Mmarare 33:3

Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

1 Pita 1:4

Ya dɛ hwɛɡɛ kondɔɔh waa kwaara cheɡ yaa la ta kɛŋɔ aa ɛ ya kwaa. O kwaa a bwa cheɡ heyaa Korowii doa, belaa aa wola pɔh, aa wola chɔɡ, aa wola tu bwa.