Yela 45:9 - mzwDBL

⁹ Koranar bihaahna ja haahna baa dɔ jirima, dɛ do he dem nɛ, asɛ hanfale do kwaa baa kpɔ suuɡaswɛm tenten ɛa, dɛ che he diɡ pera.

Yela 45:9 ပူးပေါင်းရင်းမြစ်များ

1 Koranar 10:11

Kooro Hiram stiimaere la Ofir harɛ ta, dɛ ka kpɔ suuɡaswɛm, dɛ kpɔ dadɛɛɡa ane, ne bwedɛɛɡa a bwa yoɡ aa kpeɡa ba.

1 Koranar 2:19

Ate, Batsiiba la Kooro Solomɔn be ŋɔ o dɛ la ka bol Adonija waa la tɛo. Kooro iro ka chemo, dɛ ɡuŋu harɛ dɛ berɛ ka so o kookara ta. Ba kpɔ kookara bɛl ɡe ka cheɡ kooro nomombɔr diɡ ta, asɛ o nya ka so o ta.

1 Koranar 2:9

Kɛ a ta chɛ kɛ he ɡelo o kaa bosɔɔhna ne, he jemɛ waa ɡa. Na ɡɛ háa ɛ ásɛ o sewɛ.”

1 Webena 1:23

ne Ofir ne Havila dɛ Jobab tena.

Job Tɔn 22:24

dɛ pa he suuɡaswɛm ta bomboɡ ta, ne he suuɡaswɛm tenten ta bwea aa lɔ nenabɔɔne aa hweehra baah ta,

Yela 45:13

Kooro hanfale lɔ koodem, o wer dɔŋ toole, ba kpɔ suuɡaswɛm ŋwɛɛra sɔh ja ŋwɛɛra baa kpɔa sɔh o batakaarejaŋ la ta.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Sɛɡla 7:17

Dɛ kpɔ korobo ne konsɔɔhsoma bwa soo siwi merɛ o ta.

Yelsom 7:1

Koobie, toldɛɛɡe, na ɡɛ he nakpale ne naŋɡawa aa wera. He nakpale dɔ pɛla kɛŋɔ, bwedɛɛɡa a yoɡ aa kpeɡa. A do kɛŋɔ nɛra baa dɔ kwaa sɛɛh wejema aa ɛa.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

Wepila 19:7

Hé ɡel ya sie lɛ ya hɛɡre kohona. Yá tɛo sɔn, dɛkalkɛŋɔ Pebie la hanfale lawa telo. O haah ɡe kpɔ o te cheɡ.

Wepila 21:2

N berɔ na Korowii bwɛjen Jerusalamfale o le Korowii be dɛɛ ba harɛ. Korowii kwaaro kɛrɛdɛ kɛŋɔ hanfale yon kpɔ o te dɛɛ ba o jaa be la.

Wepila 21:24

Harɛ nɔ ta nɛra ɛɛ ba valɛ o bochaah la taa, ásɛ koranar baa lɔ harɛ nɔ ta ɡe kpɔ ba jirima baa dɔa la ba jo o ta.

Wepila 21:9

Belaa nyundua toroma banuanɛ la ba fa aa kpoŋe loɡa hɔhɔrɔwa bele anuanɛ aa ka mun la aa su a bwa la bɛl ba, dɛ ba ŋɔ n be ŋɔ, “Ba ń baɡle Pebie la hanfale la.”