Yela 45:4 - mzwDBL

⁴ Che kan haa doa ta ka yo, dɛ́ pɔ he dɔma nɛ, dɛ́ kpɔ kasinteŋ ne toɡra he wa aa toɡra, bol waa dɛɛ pa bole. He kpeɡri kohona ɛɛ ɡeloo hé pɔ he dɔma nɛ.

Yela 45:4 ပူးပေါင်းရင်းမြစ်များ

Yela 2:9

Hɛɛ di kora ba nɛɛ kpeɡri ne, hɛɛ pɔ ba nɛɛ dɛ́ ɛɛ ba kɛŋɔ, ba yon paɡre vii burbur la ken.’ ”

Yela 60:4

He ir he fraŋkaa dɛ́ kpɔ kah nɛra baa dɛ ɔmɛ, ɡɛ aa ɛ ásɛ ba dɔma bɛ ban kpoo.

Yela 65:5

N Naa Korowii haa dɛ lɛ yaa, he cheɡɛ he nyokpowe-ɛɛla ta, dɛ no ya wesoŋa. He nɛɛ nɛra baa lɔ harɛ jaɡa bwa, ne banɔ la baa lɔ mpo jaɡa bwa ɛɛ hwɛɡɛ.

Aesaya 11:5

Waa aa toɡra ne kasinteŋii wɛɛ ba kpɔe ɛ kiriso, dɛ́ kpɔ vɔwɛ o chara.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.

Wepila 11:18

Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.

Wepila 6:2

N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.