Yela 45:13 - mzwDBL

¹³ Kooro hanfale lɔ koodem, o wer dɔŋ toole, ba kpɔ suuɡaswɛm ŋwɛɛra sɔh ja ŋwɛɛra baa kpɔa sɔh o batakaarejaŋ la ta.

Yela 45:13 ပူးပေါင်းရင်းမြစ်များ

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Amanesoma Luk Aa Chwera Tɔn 11:40

Gɛna! Korowii waa ta yaa nɔ, o laa ɛ ya bini ne ya baŋ bwa kɛɛ?

Matiu 5:16

Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

Yelsom 7:1

Koobie, toldɛɛɡe, na ɡɛ he nakpale ne naŋɡawa aa wera. He nakpale dɔ pɛla kɛŋɔ, bwedɛɛɡa a yoɡ aa kpeɡa. A do kɛŋɔ nɛra baa dɔ kwaa sɛɛh wejema aa ɛa.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”

Tɔn Pɔɔl Aa Chwerɛ Rom Tena 2:29

Waa aa dɛ baɡle kɛŋɔ nɛn ɛ Juu te tenten la, bambile binii a do. Korowii Domadɛɛɡe laanee dɛɛ ba toma ɛɛ he bambile bini, ásɛ he won ɛ Juu te tenten. Mmara bɛlbwa aa ɡɛ bambile nɔ tɛ. Nɛn Korowii Domadɛɛɡe la aa chao asɛ o bambile bini waa ɛɛ baɡle kɛŋɔ o ɛ Korowii nɛn la, nɛwɛnyini laa dɛɛ ba o kpɛɛra, Korowiirii dɛɛ ba o kpɛɛra.

1 Koranar 5:15

Dɛ Kooro Solomɔn dɔ tom-ɛɛra kaɡboŋa fifraanuatoro ɡe ba do deŋɡarere harɛre ta dɛɛ pɛɡre bwea, asɛ nɛra kaɡboŋa fifraanuanɛ ɡe ɛɛ chea.