Yela 43:2 - mzwDBL

² Henee dɛɛ tɔ mɛ ɡbemɡbe. Ɛrɛɛ he vɛɛh mɛ nɔɔ? Ɛrɛɛ n dɔma ɡel n bwara ɛɛ nyɛɡ, dɛɛ muɡli n baah nɔɔ?

Yela 43:2 ပူးပေါင်းရင်းမြစ်များ

Yela 42:9

N ŋɔ Korowii waa do kɛ Bwetal n chwa kaa marɔ be ŋɔ, “Ɛrɛɛ he soh n waa nɔɔ? Ɛrɛɛ mɛɛ wi n dɔma, ba nyu bini aa kpeɡa nɔn ta nɔɔ?”

Yela 28:7

Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Aesaya 40:31

Kɛ nɛra baa dɔ hwɛɡa Korowii nɛɛ la te ɛɛ dɔ bokpeɡfalaa. Wɛɛ ɡeloo bá dɔ kena, dɛ́ ir kɛŋɔ kee ken. Baa chwao, kɛ baa koh bwa, dɛ́ valɛ baa ɡwɛɡre bwa ɡe.

Yela 94:14

Korowii aa o nɛraa vɛh, waa nɛra waa lee ba cheɡ tɛ o te laanee ɡel bwa.

Yela 44:9

Kɛ taraken, he vɛh yaa dɛ ɡel ba pɔ ya nɛ, haa ya laa tena nɛɛ ja, dɛɛ la laa kpa.

Sekaria 10:12

Mɛɛ tɛ n nɛra kpeɡrii, ásɛ baa tom mɛ dɛɛ no n wa. Men Korowiirii bola.”

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Yela 140:7

Nemenɛ Korowii, he kpeɡri dɛɛ che n habɔɔ, henee tɔ mɛ ɡbemɡbe laa ta,

Yela 77:7

“Korowii ɛɛ den vɛh yaa kwaraa ɡɛ naa? Waa ya nɛɛ sune kpa aa?

Yela 71:9

Bɛ men ta n hwɛɛhra bini, bɛ men vɛh n ɡwɛɡra saŋ.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Yela 31:4

N dɔma har mɛ bela, lɛɛ mɛ le a ta, dɛkalkɛ henee n chwa baa marɛ.

Yela 42:10

N hoɡa bwa dɛ wee mɛ, n dɔma aa dɛ muɡli n baah la wa, dɛɛ bɔɔ mɛ tɔpere bɛlbwa ŋɔ, “Leperaa Korowii haa dɛ tomɔ la dɔɔ?”

Yela 88:15

Le n bechale saŋ bwaa n bwara wee mɛ, a ka tama n sewɛ. N ɡwɛɡrɔ dɛ le deŋnetɛra haa kpɔa ba ta n nɛɛ mɛɛ di suna la wa.