Yela 43:1 - mzwDBL

¹ N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Yela 43:1 ပူးပေါင်းရင်းမြစ်များ

Yela 35:1

N Naa Korowii, kpɔ nɛra baa ɛ n dɔma la ɛ he dɔma, ka yo nɛra baa dɛ yoo mɛ la.

Yela 26:1

N Naa Korowii, nyiŋi n waa bini dɛ́ pa mɛ bole, dɛkalkɛ n waa toɡrɔ, he nɛɛ n den kpɔ n te dawɛ.

Yela 7:8

Henee bol nɛwɛnyina bwa waa dɛɛ pa bole. Nemenɛ Korowii, cha mɛ, dɛ́ bol n waa tɛ mɛ. He jemɔ kɛŋɔ n tea too.

Yela 35:24

N Naa Korowii, che toɡra he wa aa toɡra ta, dɛ́ pa mɛ boldɛɛɡe, bɛ ɡel n dɔma mam mɛ.

1 Samoɛl 24:15

Korowiirii dɛ́ bol n ne he baah waa dɛ́ na naate waa di bolchɔɡe. Onee dɛ́ nyiŋi waa nɔ ta ásɛ dɛ cha mɛ, dɛ́ lɛɛ mɛ le he nɔn ta.”

Yela 71:4

N Naa Korowii maa dɛ tomɛ, lɛɛ mɛ le nyubinikpeɡ tena, ne wechɔɡ-ɛɛra nɔn ta.

Yela 5:6

He dɛ chɔɡ nɛra baa dɛ teŋe nyosone, he hah nɛra baa dɛ kpoo nɛra, ne nɛra baa dɛ neɡre nɛra.

Maeka 7:9

Ya ɛ wechɔɡa dɛ jo Korowii nɛ, anomanta, a chɛ kɛ yá na o bandia tama mɔɔ. Wɛɛ lɛ yaa dɛ́ le chɔɡre baa kpɔa ɛ yaa la ta. Wɛɛ lawɛ yaa ba bɔchaah ta, ásɛ ya na toɡra o wa aa toɡra.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

1 Kɔrent 4:4

N ta wechɔɡa bɛlbwa nae n waa bini te, kɛ a ta baɡlɛ kɛ mɛɛ di bolee. N Dɔɔ Yeesu Kristoo dɛɛ ba n waa bola dɛ́ pa bole.

Sɛɡla 23:11

Ba dɔ nomɛl waa cheɡɛ ba habɔɔ, onee Korowii, wɛɛ boloo bɔe.

Sɛɡla 22:23

Korowii ɛɛ bol a ɡɛ nɛra la waa tɛɛ ba, ásɛ ɡɛ haa lɛɛ ba kwaa la, ó lɛ le he be.

Yela 75:7

Korowiirii bol nɛra waa dɛɛ pa bole. Onee dɛɛ pa boldɛɛɡe, dɛɛ pa bolchɔɡe ɡe.

2 Samoɛl 16:20

Ate, Absalɔm ŋɔ Ahetofɛl be ŋɔ, “Yaa lɔ bonɔ nɔ, baɡle yaa ɡɛ yaa ɛ.”

2 Samoɛl 15:31

Dɛ ba ŋɔ Kooro Devid be kɛŋɔ Ahetofɛl ja Absalɔm nɛra o ne baa dɛ vɔrɔwe waa la nɛ. Anomanta, Kooro soŋɔ ŋɔ, “N Naa Korowii, ɡel Ahetofɛl liire bwa berɛ wepuu.”

2 Samoɛl 18:8

Laa la yɛɛrɔ kaa bwɛɛ la dahare bwa, asɛ nɛra serewe kɔr la bini dɛ ɡwaa banɔ la baa sewɛ laa la ta.

Yela 7:7

Gel harɛre nɛra bare cheme he do nyundua dɛ́ di kora ba nɛ.

Yela 7:9

N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Yela 54:3

Nɛŋhɔɔhra balɔ dɛɛ ba ba yoo mɛ, nyubinikpeɡ tena ba siwi aa kpeɡa, dɛ nyin mɛ dɛ́ kpo. Banee nɛra baa wola hen Korowii komɛl yerɛ la.

Yela 140:5

Mbarafo tena sɔɔh dɛ haɡre mɛ bela, ba kpɔa bil ŋwɛnɛ maa dɛ kpɔ o ta la ta, ásɛ dɛ dɔɔ mɛ lawɛ.