Yela 42:3 - mzwDBL

³ Sinii ber mɛ kondikwa, chɔɔ ne jwaana bwa. Saŋ bɛlbwaa n dɔma ɛɛ pɛɛ mɛ ŋɔ, “Leperaa Korowii haa dɛ tomɔ la dɔɔ?”

Yela 42:3 ပူးပေါင်းရင်းမြစ်များ

2 Samoɛl 16:12

Korowii ken ɛɛ na n suna maa dɛ di nɔɔ, dɛ́ kpɔ wedɛɛɡa ba chiɡ taahna aa dɛ ba n nɛɛ fini nɔ naa ta.”

Yela 102:9

Tɔɔ ber mɛ kondikwa, siniire koo nee ta mɛɛ nyɔ,

Yela 115:2

Ɛrɛɛ harɛre nɛra ɛɛ bɔɔ yaa ŋɔ, “Leperaa Korowii haa dɛ tomɔ la dɔɔ nɔɔ?”

Yela 143:6

N ɡɔɔ nɔɔra dɛ wi dɛɛ noe, n bambile lawɛ kɛŋɔ harɛ hole aa hiah nee ken.

Yela 22:8

Ba ŋɔ, “He kpɔ he te dawɛ Korowii nɛ, ɛrɛɛ waa wola hen lɛɛ yɔ? Dɛ Korowii dɛ nyini naa, ɛrɛɛ waa wola hen chae yɔ?”

Yela 3:2

Dɔma la ɡalɡa dɛ bol n waa ŋɔ, “Korowii aa on lɛɛ ba.”

Yela 42:10

N hoɡa bwa dɛ wee mɛ, n dɔma aa dɛ muɡli n baah la wa, dɛɛ bɔɔ mɛ tɔpere bɛlbwa ŋɔ, “Leperaa Korowii haa dɛ tomɔ la dɔɔ?”

Yela 63:2

N na ɡɛ he kpeɡri ne he jirima aa doa, he Dea bela.

Yela 79:10

Ɛrɛɛ harɛre nɛra ɛɛ bɔɔ yaa ŋɔ, “Leperaa Korowii haa dɛ tomɔ dɔɔ nɔɔ?” Tɛr nɛra baa kpoo he bonɔɔna deŋne, ya siwi ta bonɔ.

Yela 79:12

N Naa Korowii, bɔ harɛre baa kaa la kem bele anuanɛ, chɛɡa baa dɛ chɛɡre la wa.

Yela 80:5

He ɡelɔ suna do kɛŋɔ kondikwaa yaa di, siniire ɡe do kɛ nee yaa nyɔ.

Yela 84:3

Joŋa kwara sɔh kɔne, bilore ɡe dɔ a kɔne, a bii yon do a bini, he saraha kon la jwɛh, bela baa fuh kwaa dɛɛ tɛɛ la. Nemenɛ Korowii maa dɛ tomɛ, henee n kooro.

Kaala 23:17

Kera atoroo chɛ kɛ baa bɛlbwa ba men Nemenɛ Korowii sie benanyoa bɛlbwa ɡɛ tɔpejena nɔ ta, dɛ́ ba tom mɛ.

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Mmarare 5:26

Nɛwɛnyini besoo no Korowii waa lole saŋ bɛlbwa wobol le nii ta kɛ yan, dɛ ta dɔ o nyu dɛ so le nɔ?