Yela 41:9 - mzwDBL

⁹ Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Yela 41:9 ပူးပေါင်းရင်းမြစ်များ

2 Samoɛl 15:12

Absalɔm aa kpoo kwaa dɛɛ ɛ saraha la, o ɡe tomɔ ŋɔ bá ka yerɛ Ahetofɛl waa ɛ Gilo te la ó le o bwɛɛ Gilo ba. Dɛ o ɛ nɛn waa dɛ ja Kooro Devid la bini bɛl. Dɛ Kooro vɔrɔwa Absalɔm aa dɛ vɔrɔwe la waa wer kɛrɛdɛ, asɛ nɛra warɛ dɛɛ teŋɛ o nɛ.

Job Tɔn 19:13

Korowii ɡelɔ n ne n lolanar baah do jaŋne, n berɛ hɔɔh nɛra baa jem mɛ be.

Job Tɔn 19:19

N daamanar tenten kii mɛ, nɛra maa dɛ nyin ba berɛ habɔɔ kpo mɛ.

Yela 101:3

dɛ́ laa n te kpɔ wechɔɡa ta. N hah nɛra baa berɛ habɔɔ kpo hen Korowii la we-ɛɛla, n ne ba toole wobɛlbwa bini.

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Obadia 1:7

Nɛra he ne baa fɔwɛ fɔo ɛɛ le he ne he harɛ taa. Baa neɡre heyaa, dɛ́ pɔ he nɛ. Daamanar he ne baa pɛ nɔn di kwaa ɛɛ harɛ heyaa belii haa wola jemɛ.”

Maeka 7:5

Dɛɛ berɛ he dɔŋ yaradae ka tonɛ, bɛ he dam ɡba nɛɛ hwɛɡɛ. Hale he haah he ne waa pɛa dɛɛ chɔ kalaŋ ta, dɛɛ nyiŋi he nyoa wobol ta kɛrɛdɛ.

Matiu 26:23

Yeesu chaŋ ba ŋɔ, “Naate n ne waa pɛ nɔn hɛna beŋkpoŋ bini laanee.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.