Yela 4:7 - mzwDBL

⁷ He ɡelɔ n dɔ silɛɛ kohona, ɡwaa silɛɛ nɛra yon dɔ, ɡɛ saŋ mea ne sen yon bu ba nɛɛ la.

Yela 4:7 ပူးပေါင်းရင်းမြစ်များ

Yela 31:17

N Naa Korowii, bɛ ɡel sihiih kpo mɛ, henee n wi dɛɛ no. Gel sihiih kpo nyubinikpeɡ tena, ba serewe ka chɔ lalabwɛ jeiih ken.

Yela 37:4

Hé ɡel he sie ɛɛ lɛ Korowii nɛ, ásɛ o tɛ heya he bambile konnyina.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Yela 67:2

ásɛ harɛ nɔ ta nɛra bwa jemɛ waa haa dɛ nyin, ɡɛ aa ɛ ásɛ ba bwa na ɡɛ haa won nɛra lɛɛ.

Yela 80:4

Korowii Waa Ɛ Koranar Bwa Kooro, saŋ besoo he bandia nyoa ɛɛ ba sɔɔhna, he nɛra wesoŋa ta nɔ?

Yela 92:4

He nyokpowe-ɛɛla ɡelɔ n sie ɛɛ lɛ, n dɛ ɡo silɛɛ yela a wa.

Yelsom 1:4

Laɡ mɛ kaa warane, n dɛ nyin kɛ n kooro laɡ mɛ kaa o dem warane! Yá hɛɡre, dɛ́ ɡel ya sie lɛ kohona, yaa kpɛɛ he nyina haa dɔa laanee ɡwaa kɛ ya nyɔ sen. A waa ɡela bitoli bwa ɛɛ nyin he waa kɛrɛdɛ la!

Aesaya 9:3

N Naa Korowii, he ɡelɔ ba harɛ la nɛra ya, he tɛɛ ba silɛɛ kohona. Ba dɛ hɛɡre he sie kɛŋɔ nɛra koo kondikwaa yon ɛ kohona baa koma dɛɛ hɛɡre la. Ba berɔ dɛɛ hɛɡre kɛŋɔ nɛra aa kaa yo laa, dɛ pa ba dɔma laala dɛɛ bɔne la.

Jeremia 48:33

Silɛɛ ne hɛɡra bɛlbwa toole Moab harɛpare ondɛɛɡe ne kooni ta kpa. N ɡelɔ sen toole bɔra baa dɛ harama, nɛra toole dɛ́ tiɡri a ta. Baa mooluu, kɛ silɛɛ moola laa.

Nɛra Kura 6:25

Ó nyiŋi he nɛɛ, dɛ́ na he sum.

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Sitɔɔla 9:27

Ba kaa chaa ba ɡrepo nɔna dɛ harame a nee dɛ kpɔ ɛ sen. Asɛ ba tɔpejen bɛl ta, ba ka so ba voɡ dea dɛ di kwaa dɛɛ nyɔ sen asɛ dɛ taah Abemɛlɛk.