Yela 4:4 - mzwDBL

⁴ He bɛ ɡel he baah di bandichɔɡa he ɛ wechɔɡa, he ka chɔ dɛ lii a wa, saŋ haa chɔ he kalaŋre ta la.

Yela 4:4 ပူးပေါင်းရင်းမြစ်များ

Ɛfesos 4:26

Dɛ he baah diu waa, he bɛ ɡel a ɛ bandichɔɡa he ɛ wechɔɡa. Hé ɡel o sɔɔh warane. Aa were kɛŋɔ he baah di wee ka jo dɛ o ta sɔɔhnɛ.

Yela 77:6

N chɔɔ jwaana bɛlbwa naa, n liire ɡwaa n nɛ. N liira ɡɛ naa, waa maa dɛ bɔɔ n te laanee kɛŋɔ,

Sɛɡla 3:7

Bɛ he te wejereme kohona dɛɛ lii, ɔmɛ Korowii, dɛ ke he te wechɔɡa ta.

Yela 63:6

N chɔ kalaŋ ta naa, n dɛ lii he wa, he waa dɛ do n bambile bini jwaana bwa,

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

2 Kɔrent 13:5

Hé nyiŋi he te dɛ́ na kɛŋɔ he yaradao kɛrɛdɛ kɛɛ he ta on yaradae yɔ? Hé pese he te dɛ́ na. He jemɛ kɛŋɔ he ne Yeesu Kristo pɛo kɛɛ? He nao kɛŋɔ he ne o ta pɛɛ te naa, ate dɛ he horɛ o waa yaradae ta.

Yela 33:8

Harɛ nɔ ta nɛra, hé tomɛ Korowii, hé kpɔ duure tɛo.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Habakuk 2:20

Korowii lɔ o Dea waa do ɡoroŋ bini. Nɛra haa lɔ harɛ nɔ ta, hé bwa hel o sie.”

Sɛɡla 16:17

Nɛn o wa aa toɡra la dɛ ke wechɔɡa o vala bini, nomɛlbwa waa dɛ nyiŋi o vala bini la, dɛ dɔ o nyu.

Yela 119:161

N dɔma baa kpeɡa dɛ yoo mɛ pɛɛpɛɛ, kɛ he waa laanee mɛɛ ɔmɛ.

Yela 3:4

N wio no Korowii takpeɡ ne, asɛ o no n be o deŋɡare waa do ɡoroŋ la ta.

Yela 2:11

Hɛ́ɛ ɔmɛ Korowii dɛɛ tomɔ, hé charɛ he liire, dɛ́ ba he te ne harɛ.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Yela 3:2

Dɔma la ɡalɡa dɛ bol n waa ŋɔ, “Korowii aa on lɛɛ ba.”

Yela 17:6

N Naa Korowii, n wio dɛɛ noe, n jemɔ kɛ hɛɛ chaŋ mɛɛ, cheɡ deŋne, dɛ́ no n wesoŋa.