Yela 4:3 - mzwDBL

³ Hé jemɛ kɛŋɔ Korowii le nɛn, o wa aa toɡra tɛ o te biɡri. Saŋ bɛlbwa maa wi noo la, o dɛ no.

Yela 4:3 ပူးပေါင်းရင်းမြစ်များ

Yela 31:23

Korowii nɛra he wa aa toɡra, hé baɡle he nyina o nɛ. O kpɔ nɔn dɛɛ tɔ o nɛra ba wa aa dɔ kasinteŋ nɛ, kɛ mbarafo tena te, o dɛ tɛr ba deŋne ɡɛ aa chɛa.

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Yela 49:3

Mɛɛ bol wejemwaa, á ɡel he liire bini chaah, hɛɛ no waa mun.

Yela 50:5

Korowii berɔ ŋɔ, “N dɛ nyin kɛ n nɛra maa lee ba cheɡ tɛ n te boa ba nyoa, nɛra baa kpo kon ɛ saraha, a che tɛ fɔo n ne baa fɔwa la.”

Yela 56:9

Awola maa wi yerɛ la, n dɔma ɛɛ berɛ habɔɔ, waa maa jema laanee kɛŋɔ hen Korowii ja n nɛ.

Yela 6:8

Wechɔɡ-ɛɛra, hé le n sie! N Naa Korowii, no n wii.

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Kaala 33:16

Ya ne he kaala taa nɛra ɛɛ ba jema kɛŋɔ he sie lɛ n ne he nɛra nɛ. Gɛɛ dɛɛ ba ɡela ya korɛ harɛ nɔ ta nɛra baa kaa nɛ.”

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.