Yela 4:2 - mzwDBL

² Saŋ besoo he nɛra haa dɛ chɔɡ mɛ la ɛɛ ba ɡela ɔ? Saŋ besoo hɛɛ ba waa aa ɛ wepuu, ne nyosone waa ta teŋa ɡela ɔ?

Yela 4:2 ပူးပေါင်းရင်းမြစ်များ

Yela 106:20

Ba kpɔ jirima baa kpɔ tɛ hen Korowii la, berɛ kaa tɛ kon o mar aa le nabale, waa dɛ chwe kpɔɡa.

Yela 14:6

He wechɔɡ-ɛɛra, he dɛ tɔ nyaara we-ɛɛla ŋwɛnɛ, kɛ Korowiirii kpɔ nɔn dɛɛ tɔ ba nɛ.

Yela 2:1

Ɛrɛɛ harɛre nɛra baa wola Korowii tomɛ, lɛ ɡaeh, dɛɛ le jina dɛɛ koh ba te pɛɛ nɔɔ?

Yela 3:3

N Naa Korowii, henee dɛɛ tɔ mɛ ɡbemɡbe. N Naa Korowii, henee tɛ mɛ jirima, dɛ ɡel n dɔ hwɛɡa.

Yela 31:6

N hah nɛra baa kpɔ ba te dawɛ voɡa aa wola tɔnɔ bɛlbwa dɔe nɛ, kɛ hen Korowiirii mɛɛ yarada.

Yela 5:6

He dɛ chɔɡ nɛra baa dɛ teŋe nyosone, he hah nɛra baa dɛ kpoo nɛra, ne nɛra baa dɛ neɡre nɛra.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Yela 58:1

Hé koranar, hé bol waa dɛɛ pa bole aŋwɛnɛ ta naa? Hé bol nɛra waa dɛɛ pa bole ɡɛ aa chɛ aa?

Yela 58:3

Wechɔɡ-ɛɛra dɛ ɛ wechɔɡa ba soɡa bini bwa, dɛ le awola baa lol ba, dɛɛ teŋe nyosone.

Yela 63:11

Korowii aa ɡela kooro pɔ o dɔma nɛɛ nomanta, o sie ɛɛ lɛo. Nɛra baa dɛ yerɛ Korowii sɔn bwa ɛɛ kpɛɛroo, kɛ nyosonteŋna te, wɛɛ tɔ ba nyoo.

Yela 72:2

ásɛ dɛ bol he nɛra waa dɛɛ pa bole aŋwɛnɛ ta, dɛ́ nyiŋi he nɛra baa dɛ fiɡ ba la nɛɛ kasinteŋ ne.

Kaala 10:3

Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Sɛɡla 1:22

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Wejereme 9:3

Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.

Aesaya 20:5

Nɛra baa dɔ Itiopia hwɛɡa, dɛɛ tamane Ijipt nɛɛ la ɛɛ ɔmɔɔ sihiih kpo ba.

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Jeremia 2:11

Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Jeremia 2:5

Waa Korowii aa dɛ bol laanee nɔ, “Bɔkwa waa n ne he naawa dɔ, asɛ ba vɛɛh mɛ dɛ berɛ habɔɔ kpo mɛ nɔɔ? Ba teŋɛ voɡa aa wola tɔnɔ dɔe nɛɛ dɛ berɛ nɛnsale.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Hosia 4:7

He sɔfore, haa dɛ warɛ la, dɛ he dɛ ɛɛ mɛ wechɔɡa kohona. Anomanta, mɛɛ ɡeloo he jirima berɛ sihiih.

Jona 2:8

Nɛra baa daŋre voɡsale toma ne, ba siwi ɛɛ sua la, ba paŋɛ chae he fe aa cha ba la.

Nɛra Kura 14:11

Anee Korowii ŋɔ Mosis be ŋɔ, “Saŋ besoo nɛra nɔ ɛɛ ba n nyubaah nyiŋa ɡela ɔ? Ba teŋɔ dɛɛ vɛɛh mɛ ŋɔ baa men yarada, hale n nyokpowe-ɛɛla maa ɛa ba bini la bwa habɔɔ.

We-ɛɛla 24:9

Ate, dɛ Juu tena baa lɔ bela la bwa deno pɛ dɛ sɛh ŋɔ kasinteŋii ba nɛn la bola la.

1 Kɔrent 1:31

Anomanta, ɡɛ Korowii Tɔn la aa ŋɔa la. “Nomɛlbwa waa dɛ nyin o te maŋkurae la, wɛɛ maŋkura o te waa Korowii aa ɛa ta.”

Ɛfesos 4:25

Hé laa nyosone bɛlbwa laa kpɔ he waa ta, dɛɛ bol kasinteŋ dɛɛ tɛ dɔŋa, dɛkalkɛŋɔ he bwa pɛ bwadabii beŋkpoŋ ta dɛ ɛ beŋkpoŋ.

1 Samoɛl 12:21

Hé laa sie kpɔ voɡa ta. Wedɛɛɡa bɛlbwa toole a toma ta. Aa won lɛ heya, a wobɛlbwa ɛ wepuu.