Yela 4:1 - mzwDBL

¹ N Naa Korowii, he waa toɡrɔ, no n wesoŋa saŋ bɛlbwa. Lɛɛ mɛ le n wahala ta, na n sum, dɛ́ no n wesoŋa.

Yela 4:1 ပူးပေါင်းရင်းမြစ်များ

Job Tɔn 36:16

Korowii siwi beɡrɔ kɛ ó lawɛ dɛɛ le he wenaale ta, dɛ́ tɛɛ bosɔɔhna, dɛ́ ɡel he dɔ kondikondɛɛɡa kohona dɛɛ di.

Yela 11:7

Korowii waa toɡrɔ, o dɛ nyin kasinteŋ. Nɛra ba wa aa toɡraa dɛɛ ba o nae.

Yela 116:16

N Naa Korowii, n ɛ he bonɔɔ kpela, n tomɛ ɡɛ n nya aa tomɛ. He lɛɛ mɛ le seo nyoa.

Yela 116:6

Nɛra baa wola won cha ba te la, Korowii kpɔ nɔn dɛɛ tɔ ba nɛ. Gɛ saŋ maa lɔ sibeɡra ta la, o lɛɛ mɛ.

Yela 119:132

Berɛ sie n be, dɛ́ na n sum, ɡɛ haa dɛ ɛ nɛra baa dɛ nyini bwa la.

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.

Yela 17:6

N Naa Korowii, n wio dɛɛ noe, n jemɔ kɛ hɛɛ chaŋ mɛɛ, cheɡ deŋne, dɛ́ no n wesoŋa.

Yela 22:1

N Naa Korowii! N Naa Korowii! Ɛrɛɛ he chwa mɛ nɔɔ? N do lɔŋɔ sum ne ŋɔ hé cha mɛ, kɛ maa wobɛlbwa na.

Yela 24:5

Gɛ te laanee Korowii ɛɛ ba andɛɛɡa sweera tɛ dɛ́ lɛo, dɛ́ pao bole.

Yela 25:16

N Naa Korowii, berɛ sie n be, dɛ́ sune n nɛ, dɛkalkɛ n ɡwɛɡrɔ, n ta nomɛlbwa dɔe ó cha mɛ.

Yela 31:8

He ta ɡelɛ n dɔma dɔɔ mɛ, he kpɔ n naa cheɡ bodɛɛɡe.

Yela 41:12

N waa toɡrɔ nomanta, hɛɛ laɡ mɛɛ do he sie, saŋ bɛlbwa dɛɛ la.

Yela 42:1

N Naa Korowii, ɡɛ nyɔɡre kpo welo, o siwi yon swɛɛ, wɛɛ nyin nepale waa sɔna la, ɡɛɛ n siwi swɛɛ he wa.

Yela 45:1

Wobol aa wera su n nyoa, mɛɛ ba kpɔe ɡo yel tɛ kooro. N nyoa wobol do kɛŋɔ, kon nɛn waa jemɛ chwera kɛrɛdɛ, aa kpoŋa dɛɛ chwerɛ.

Yela 56:1

N Naa Korowii, na n sum, n dɔma dɛ ti mɛ sibeɡra ne tɔpere bɛlbwa, dɛ́ yoo mɛ.

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 6:1

N Naa Korowii, bɛ ɡel he baah di hé pwaah mɛ, bɛ ɡel he baah di kohona hé tɛr n deŋne.

Yela 67:1

N Naa Korowii, na ya sum dɛ swee yaa andɛɛɡa, nyiŋi ya nɛɛ dɛ́ na ya sum,

Yela 76:1

Nɛra baa lɔ Juda harɛ ta jemɛ Korowii, hale Israel harɛ ta tena dɛ́ bol ŋɔ Korowii sɔn kan.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Habakuk 3:19

Nemenɛ Korowiirii n kpeɡri, o ɡelɔ n nakpale do kɛŋɔ chwae kwaa ken, n won bwejena dor vala. N chwerɛ waa nɔ ka tɛ yela nomoa ó kpɔ o janjela ne kwaa aa do ɡɛ la lɔa.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

2 Kɔrent 1:10

O lɛ yaa le siswɛm a fe aa chɛ kɛ ya sewɛ a ta la ta. O ta dɛ lɛ yaa. Ya kpɔ ya sie dawɛ o nɛɛ kɛŋɔ wɛɛ teŋɔɔ dɛɛ lɛ yaa.

2 Kɔrent 1:8

Yabala, ya dɛ nyin he jemɛ wahala yaa naa Eesia harɛ la wa. Dɛ a kan dɛ ɡwaa ya nɛɛ kohona. Dɛ yaa lii kɛŋɔ yaa le a nyoa bokpeɡa binii.

1 Samoɛl 17:37

Korowii waa lɛɛ mɛ le nyujente ne sisire nɔn ta la, wɛɛ lɛɛ mɛ le Filisti te nɔ nɔn ta.” Ate, Kooro Sɔɔl ŋɔ Devid be ŋɔ, “Kaa, Korowii ja he nɛ.”