Yela 39:6 - mzwDBL

⁶ Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Yela 39:6 ပူးပေါင်းရင်းမြစ်များ

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Jems 4:14

kɛ dɛ he ɡe aa jemɛ ɡɛ tɔɔ aa dɛ ba he pera la! Gɛ kɔɔla yon ta, kɛ aa biɡri dɛ yon kaa la, ɡɛɛ he mkpa do.

1 Kɔrent 7:31

Asɛ he banɔ la ɡe haa dɛ ɛ wobɛlbwa harɛ nɔ ta la bɛ ɛ a ɡwaa kohona, dɛkalkɛŋɔ harɛ nɔ ne o waa dɔ jaɡa. Waa biɡri bɛlbwa.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Wejereme 5:14

kɛ a yon che waane ta bá paŋɛ ba kondɔɔh la, ásɛ dɛ ba dɔ bibaala bane kwaraa naa, baa komɛlbwaa dɔ, dɛ́ kpɔ ja ba.

1 Pita 5:7

Wobɛlbwa aa dɛ ha heyaa la, hé kpɔa bil Korowii sie, dɛkalkɛŋɔ he waa lɔ o bambile ta.

Amanesoma Luk Aa Chwera Tɔn 12:29

Anomanta, he bɛ ɡel he sie beɡre hɛɛ nyin anɔ la haa di ne anɔ la haa nyɔ.

Aesaya 55:2

Bɔkwa waa hɛɛ chɔɡ suuɡa kwaa aa wola kondikwaa ɛɛ ta, dɛɛ koh kwaa aa wola vaɡɛ ta nɔɔ? Hé cheɡ deŋne kɛrɛdɛ dɛɛ no waa maa dɛ baɡle heya, ásɛ dɛ dɔ kondikondɛɛɡa di.

Wejereme 12:8

Wejereme la ŋɔ, “A bwa ɛ wepuu, Wobɛlbwa ta mun dɔe.”

Wejereme 2:8

N lɛ suuɡapoŋa ne suuɡaswɛm kohona, ne kwaa a yoɡ aa kpeɡa dɛ le harɛre koranar baa lɔ n lɔɡa be. N dɔ haahna ne baala ɡe, ba ɡo yela dɛɛ lɛ n sie, asɛ n nyin haahna ɡe kohona.

Wejereme 1:14

N na komɛlbwa nɛra aa dɛ ɛa harɛ nɔ ta, a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Sɛɡla 13:22

Nɛra ba wa aa toɡra naanaree dɛɛ di ba kapɛrɛre, kɛ nɛnchɔɡa te kapɛrɛre dɛ kaa nɛra ba wa aa toɡra be.

Yela 127:2

A ɛ wepuu kɛ nɛwɛnyini le chɔɔ ɛ toma ka tel jɔmɔra, kondikwaa waa di ɡbo wa, dɛkalkɛ nɛra Korowii aa dɛ nyin ba la, ba chɔ dom kwara naa, o dɛ tɛɛ ba ba konnyina.

1 Pita 1:24

Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.

Jems 5:3

He suuɡaswɛm ne suuɡapoŋa bwa ɡe deero. Awola Korowii aa dɛ ba he waa bola la, he suuɡare aa deera la ɛɛ ɛ danseɛ kɛŋɔ he ɛ wechɔɡa, dɛ́ we heyaa kɛŋɔ nii ken. Bɔkwaa hɛɛ cheɡ suuɡa tɔpera aa ka mun nɔ ta dɛ́ ɛɔ?

Sɛɡla 27:24

dɛkalkɛŋɔ suuɡa dɔe aa ɡɛ ka, ɡɛɛ kooɡbɛrɛ aa wola le chɔe dɛɛ tɛ naanar saŋ bɛlbwa.

Sɛɡla 23:5

Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.

Job Tɔn 7:7

N Naa Korowii, bɛ soh kɛŋɔ me mkpa ka kerabeŋkpoŋ hweera, silɛɛ toole n soɡa bini kpa.

Job Tɔn 7:16

N soɡa bini pe mɛ, maa nyin kɛ n so le dɛɛ la. Gel mɛ, n soɡa ta mun dɔe.

Job Tɔn 14:1

Job berɔ ŋɔ, “Ba lolɛ nɛn aa, o tɔpera aa kanɛ, a lɔ tamaa ken, wenaale ɡe ɡboo a bwa.

Yela 89:48

Umee dɛ́ so le waa wola sewɛ bwa nɔ? Nɛwɛnyinii ume, dɛ́ ŋɔ, waa lalbɔɔ binii kaa lɔ?

Yela 144:4

Ba do kɛ nyoa peu, ba tɔpera do kɛ lileo ken, tama dɛ ba nyoɡrɔ.

Wejereme 11:10

Anomanta, bɛ ɡel wobɛlbwa hae, kɛɛ he na weweele bɛlbwa, dɛkalkɛ bonɔɔne saŋ waa teŋo baa kaa, dɛ bwa ɛ wepuu.

Amanesoma Luk Aa Chwera Tɔn 12:26

Dɛ haa won ɛ a ɡɛ wetamaa nɔ ɡba aa, ɛrɛɛ he ɡel he sie ɛɛ beɡre anɔ la aa kaa waɔ?