Yela 37:4 - mzwDBL

⁴ Hé ɡel he sie ɛɛ lɛ Korowii nɛ, ásɛ o tɛ heya he bambile konnyina.

Yela 37:4 ပူးပေါင်းရင်းမြစ်များ

Job Tɔn 22:26

Anee dɛ́ ɡel he sie lɛ o nɛɛ kohona, ásɛ he won dɛɛ tomɔ bambidɛɛɡe ne.

Job Tɔn 27:10

Ba sie ɛɛ dɛɛ lɛ Korowii Waa Ɛ Kpeɡri Bwa Dɔɔ nɛɛ yaa? Baa dɛɛ soŋe Korowii saŋ bɛlbwaa yaa?

Job Tɔn 34:9

Kɛ Job te bolɔ ŋɔ, ‘Tɔnɔ bɛlbwa toole dɛ tɛ nɛn kɛŋɔ o ne Korowii pɛ.’

Yela 104:34

N dɛ soŋe kɛ Korowii sie lɛ yel maa dɛ ɡo nɔ ta, dɛkalkɛ onee dɛɛ tɛ mɛ silɛɛ.

Yela 145:19

Nɛra baa dɛ ɔmɛ la, he dɛ tɛɛ ba ba konnyina, dɛ no ba wii dɛɛ lɛɛ ba.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Sɛɡla 10:24

Waa nɛnchɔɡe aa dɛ ɔmɛ la, a dɛ ba o nɛ, kɛ nɛn o wa aa toɡra te, dɛ́ dɔ kon waa dɛ nyin.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Aesaya 58:14

ate, mɛɛ ɡeloo he dɔ silɛɛ toma haa dɛ tom mɛ la wa. Mɛɛ berɔ ɡel he dɔ duure harɛ ta bobɛlbwa, dɛ́ berɛ na som harɛ maa kpɔa tɛ he nabaa Jekɔb la ta. Men Korowiirii bola.”

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.