Yela 37:23 - mzwDBL

²³ Korowii sie lɛ nɛra we-ɛɛla ta naa, o dɛ baɡ ba ŋwɛnɛ baa kpɔ o ta, dɛ kpɔ nɔn dɛɛ tɔ ba nɛ.

Yela 37:23 ပူးပေါင်းရင်းမြစ်များ

Sɛɡla 16:9

Nɛn nyubini liire nee wɛɛ maɡle wa, kɛ Korowiirii dɛɛ baɡle waa waa ɛ.

Yela 119:133

Bɛ ɡel n lɔ na, ɡɛ haa baɡɛ nyoa la, dɛ bɛ ɡel wechɔɡa ɡwaa n nɛ.

Sɛɡla 4:26

Nyiŋi he vala bini kɛrɛdɛ, ásɛ dɛ che kiŋkiŋ bela haa dɛ kaa.

Yela 40:2

O laɡ mɛ le lalabwɛ waa do kɛŋɔ bɔluŋ ta, n le seo nyoa. O kpɔ mɛ ba chɔŋɛ bwetal ta, n bwara sɔɔh mɛ, asɛ n che kiŋkiŋ.

Yela 121:8

Wɛɛ kpɔ nɔnee tɔ he nɛɛ he buse bala ne he buse lee bini, le fini ne saŋ bɛlbwa dɛɛ la.

1 Samoɛl 2:9

He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.

Yela 85:13

Toɡra Korowii aa toɡra la ɛɛ tɔ o siee kɛŋɔ nɛn, dɛɛ kwaa ŋwɛnɛ ó kpɔ o ta.

Jeremia 10:23

N Naa Korowii, nomɛlbwa ta o nyokala kpeɡri dɔe, bɛlbwa ɡe aa won jemɛ o soɡa waa bini.

Yela 121:3

Waa ɡel he lɔ naa dɛ́ chole. Korowii waa kpɔ nɔn tɔ he nɛɛ la aa dom chɔ.

Yela 17:5

He ŋwɛnɛ taa mɛɛ valɛ saŋ bɛlbwa, n ta kee le o ta bwa.

Jeremia 9:24

Nomɛlbwa waa dɛ nyin o te maŋkurae la, wɛɛ maŋkura o te kɛŋɔ o jemɛ men Korowii dɛɛ no n waa mun, dɛkalkɛ n nyina lole saŋ bɛlbwa dɛɛ la. N waa wer dɛ toɡre ɡe, dɛkalkɛ a ɡɛ waa nɔɔ dɛɛ lɛ n sie. Men Korowiirii bola.

Yela 119:5

N dɛ nyin kɛ n waa fe dɔ kasinteŋ, mɛɛ teŋɛ he waa ta!

Sɛɡla 11:1

Korowii kii nɛn waa dɛ faah nɛra kwaa yoɡa ta. O sie dɛ lɛ nɛn waa kpɔ kon waa maɡra ne kwaa maɡa nɛ.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Sɛɡla 11:20

Korowii kii nɛn o liire aa wola were, o sie dɛ lɛ nɛn o we-ɛɛla aa wera nɛ.

1 Samoɛl 29:10

Anomanta, fel ir kere chɔɔ, he ne banɔ la haa le Kooro Sɔɔl be dɛ ba la bwa, ásɛ he le kaa bɔr chaahna saŋ.”

Yela 40:3

O kpɔ yelfale do n nyoa, kpɛɛra yel waa dɛ baɡle kɛŋɔ, Korowii yaa dɛ tomɔ la kan. Nɛra ɡalɡa ɛɛ na waa waa ɛa, dɛ́ kpɔ ba te dawɛ o nɛ.