Yela 37:1 - mzwDBL

¹ He bɛ ɡel nyubinikpeɡ tena we-ɛɛla we he nɛ, he bɛ wechɔɡ-ɛɛra bwara we.

Yela 37:1 ပူးပေါင်းရင်းမြစ်များ

Yela 37:7

Hé lawɛ bambile, dɛɛ kpa Korowii, dɛ nyubinikpeɡ tena waa wer dɛɛ tɛɛ ba aa, he bɛ ɡel a we he nɛ kɛŋɔ aa chiɡ ba kɛrɛdɛɛ.

Sɛɡla 23:17

Bɛ wechɔɡ-ɛɛra bɔweela ɛ, ɡel Korowii duura swɛɛ he siwi saŋ bɛlbwa.

Sɛɡla 24:19

Bɛ ɡel he baah di wechɔɡ-ɛɛra we-ɛɛla wa, bɛ ban bɔweela ɛ.

Sɛɡla 3:31

Bɛ ɡel he sie beɡre nɛn waa dɛ nyin yoi kwaa ta, bɛ waa waa dɛ ɛ la ane ɛ.

Sɛɡla 24:1

Bɛ wechɔɡ-ɛɛra bɔweela ɛ, bɛ ɡel he pɛla lawɛ kɛ he ne baa pɛo.

Yela 73:3

dɛkalkɛ n na ɡɛ nyubinikpeɡ tena, ne mbarafo tena wa aa wera dɛɛ tɛɛ ba la aa, dɛ n dɛ wee ba bwara.

Galaasia 5:21

ne bɔweela, ne dɛɛra dɛ́ dɛɛ do ɡbɔɡa kohona, dɛ wesale aa do ken nɔ. N fa ŋɔ he be wubwa ŋɔ hé nyiŋi kɛrɛdɛ, dɛ ŋɔ nɛra baa dɛ ɛ ɡɛ waa nɔ la, baa Korowii Kora la ta jae ba. N berɔ kwaa dɛɛ lii heyaa ja.

Sɛɡla 19:3

Nɛŋɡɛnee dɛɛ chɔɡ o te, kɛ o yon berɛ kpɔ nya Korowii nɛ.

Job Tɔn 17:8

Nɛra ba wa aa toɡra bwara yɔrɔ a wa, dɛɛ pwaah mɛ ŋɔ maa Korowii tomɛ.

Wejereme 8:13

Kɛ wechɔɡ-ɛɛra aa wola Korowii ɔmɛ nomanta, aa wer doe ba dɛ́ tɛɛ ba. Ba tɔpera aa jaŋnee do kɛŋɔ, lileo yon teŋe ba kaa la ken.