Yela 36:3 - mzwDBL

³ Nyubinikpeɡ ne nyosone waa baa bol, ba ta wedɛɛɡa liire dɔe kpa.

Yela 36:3 ပူးပေါင်းရင်းမြစ်များ

2 Samoɛl 22:22

N dɛ teŋɛ Korowii Mmarare la ta, n ta habɔɔ berɛ kpo Korowii maa dɛ tomɔ la.

2 Webena 20:32

Kooro Jehosafat ɛ ɡɛ o mɛɛ Kooro Asa aa ɛa wobɛlbwa ta, o ta an ɡelɛ. O ɛ waa aa toɡra Korowii be.

Yela 10:7

Nɛra taahna ne nɛra neɡra, dɛ nɛra aahra ɡboo ba bwa, wobochɔɡa ne musuwaa ɡboo baa bol.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 140:3

Ba nyoa wobol dɛ kpo kɛ tɛɡchɔɡa ken, dɛ do kɛŋɔ domkpuli aa choɡe nɛn.

Yela 5:9

Wobol aa le ba nyoo dɛɛ ba bwa ɛ nyosone, ba pɛla waa bwaa nɛra chɔɡa. Nɛra neɡra dɛ́ kpoo ba ɡboo lɔ ba nyu bini, nɛra ɡboo baa neɡre.

Yela 55:21

O nyoa wobol pwɛre kɛŋɔ noo ken, kɛ dɛ liichɔɡa lɔ o bambile ta, dɛ won mɔna kɛŋɔ kerenyɛɡ ken.

Yela 58:3

Wechɔɡ-ɛɛra dɛ ɛ wechɔɡa ba soɡa bini bwa, dɛ le awola baa lol ba, dɛɛ teŋe nyosone.

Yela 94:8

N nɛra, ɛrɛɛ hɛɛ ɡɛn ɡɛ nɔɔ? Saŋ besoo hɛɛ ba waa hwela ɔ?

Sɛɡla 4:16

Gɛ nɛra la aa won chɔ, dɛ ba ta wechɔɡa ɛɛ, baa won haŋre, dɛ ba ta wechɔɡa dii.

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Hosia 8:3

Israel tena vɛh waa aa wera, anomanta, ba dɔma ɛɛ ti ba a waa.

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Matiu 22:35

asɛ ba bini Tɔnjereme bɛl pɛɛ Yeesu waane, dɛ́ kpɔ harɔ bel.

Amanesoma Luk Aa Chwera Tɔn 11:25

dɛ berɛ ka na kɛ baa la liire bini chaahnɔ kɛŋɔ dea baa chaaro dɛ kwaaro kɛrɛdɛ ba ta nɛn kpɔe do o ta dɛ ɡel o chɔ pɛɛ la.

Hibru 10:39

Ya ta nɛra baa dɛ le habɔɔ dɛɛ nyoɡre la ɛɛ. Nɛra baa dɛ yarada dɛɛ dɔ mkpa laanee yan.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

1 Samoɛl 15:26

Asɛ Samoɛl ŋɔ o be ŋɔ, “N ne haa berɛ kaa. He vɛh waa Korowii aa bola he be, asɛ o vɛɛh kɛŋɔ he ɛ kooro Israel tena nɛ.”

1 Samoɛl 16:14

Dɛ Korowii Doma la le Kooro Sɔɔl nɛ, asɛ o ɡel kwaa ir o nɛɛ dɛ ɡel o bwara ɛɛ nyɛɡ.

1 Samoɛl 18:21

Asɛ Kooro Sɔɔl lii ŋɔ, “Mɛɛ kpɔ Mikalee tɛo, dɛ́ kpɔ harɔ bel, ásɛ Filisti tena la dɔɔ kpo.” Anomanta, Kooro Sɔɔl ŋɔ Devid be ŋɔ, “He dɔ bɔr nɛɛtena name kɛ he ɛ n hela.”

1 Samoɛl 26:21

Anee Kooro Sɔɔl ŋɔ, “N bie Devid, n ɛ wechɔɡa, berɛ ba n be. Maa hen kpo kpa, dɛkalkɛ he dɔɔ mɛ he ta men kpoe jwaana nɔ ne. N ɛ ɡɛnewaa kohona ne waa aa wola were.”