Yela 34:3 - mzwDBL

³ Hé ɡel n ne he bwa kpɔ jirima tɛ Korowii, yá ɡɔɔ o sɔn.

Yela 34:3 ပူးပေါင်းရင်းမြစ်များ

Yela 69:30

Mɛɛ ɡo yelaa kpɛɛ Korowii sɔn, dɛ́ kpɔ jam tɛo o kan waa doa wa.

Amanesoma Luk Aa Chwera Tɔn 1:46

Anee Mɛɛre ŋɔ, “N dɛ kpɛɛ Korowii n bambile bwa ne.

Yela 40:16

Nɛra baa laŋa kaa tomɛ la, ɡel bá dɔ silɛɛ dɛɛ hɛɡre. Gel nɛra haa lɛɛ ba ba dɔ mkpa la ɛɛ ŋɔ, “Hé na ɡɛ Korowii aa kana!”

Yela 66:8

Harɛ nɔ ta nɛra bwa, hé kpɛɛ Korowii yaa dɛ tomɔ, hé ɡel baa no kpɛɛra haa dɛ kpɛɛro la bobɛlbwa.

Yela 35:27

N Naa Korowii, ɡel banɔ la baa dɛ nyin n di boldɛɛɡe, ɛɛ do lɔŋɔre silɛɛ ne. Ásɛ baa bol ŋɔ, “Korowii kan ɡa, o sie lɛ o bonɔɔ wer waa doa ta.”

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

2 Webena 29:30

Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

We-ɛɛla 19:17

Juu tena ne Grik tena baa lɔ Ɛfesos la bwa no ɡɛ waa nɔ, asɛ ɔmee laɡ ba kɛrɛdɛ. Gɛ waa nɔ aa chiɡa la, bela tena ta Yeesu waa la wesale liire kpa. Ba ɔmɔ kɛrɛdɛ.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

1 Webena 16:10

Hé ɡel he sie lɛ o sɔn waa do ɡoroŋ la ta, nɛra haa dɛ tomɔ, hé ɡel he sie lɛ.

Yela 69:33

Korowii dɛ no nɛŋɡwɛɡra wii, waa nɛra baa laɡ ba do dea waa soh.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Jeremia 9:24

Nomɛlbwa waa dɛ nyin o te maŋkurae la, wɛɛ maŋkura o te kɛŋɔ o jemɛ men Korowii dɛɛ no n waa mun, dɛkalkɛ n nyina lole saŋ bɛlbwa dɛɛ la. N waa wer dɛ toɡre ɡe, dɛkalkɛ a ɡɛ waa nɔɔ dɛɛ lɛ n sie. Men Korowiirii bola.